ЯҢАЛЫКЛАР

Моңарчы районда мәктәпкәчә учреждениеләрдә тәрбияләнүче балаларның җыр бәйгесе булганы юк иде. Ул район бакчаларының музыка белгечләре берләшмәсе җитәкчесе, 10нчы балалар бакчасында эшләүче Лилия Харитонова идеясе белән беренче тапкыр оештырылды.

Арча станциясендәге мәдәни–спорт үзәгендә Татарстан Республикасының атказанган мәдәният хезмәткәре Флорид Гасыймов җитәкчелегендәге халык музыка уен кораллары оркестры концерты булды.

Орнашбаш авылында гомер кичерүче Хәдичә Хәкимовага бүген 100 яшь тулды. Кешелек дөньясының төрле еллардагы үзгәрешләренә шаһит булган әбинең яшәеше белән танышып кайтырга дип беркөн юлга кузгалдык.

Редакциягә Арчаның шәрыкъ өлешендәге Сибгатуллин урамында яшәүче Сәвия Абдуллина шалтыратты.
— Урамга бик әйбәт итеп асфальт җәйделәр. Әмма юлны тар итеп эшләделәр, — дип сөйләде ул. — Машиналар тыз–быз чаба. Җәяүлеләр дә шуннан йөри. Каршыга машина килсә, юл кырыена чыгарга бик уңайсыз. Юл биегрәк итеп эшләнде. “Бәләкәч” балалар бакчасына килүчеләргә уңайсыз.

Беркөн Арча — Яңа Кенәр юлыннан үтүчеләр басуда боланнар көтүе күреп шакката, машиналар туктый, фотога төшерәләр. Каян килгән мондый гомер булмаган хәл?

Утырышта район прокуроры урынбасары Алмаз Сәгыйтьҗанов, Эчке эшләр министрлыгының Арча районы буенча бүлегенең җәмәгать тәртибен саклау буенча полиция җитәкчесе урынбасары Ленар Миңһаҗев, Арча районы буенча янгын күзәтчелек эшчәнлеге бүлекчәсе җитәкчесе Рөстәм Сафин, “Арскнефтепродукт” акционерлык җәмгыяте җитәкчесе урынбасары Фоат Гафаров, “Водоканал Сервис” ширкәте җитәкчесе Тәлгать Миндубаев, мәгариф идарәсе җитәкчесе Рина Бәдриева, район Мәдәният йорты директоры Айрат Нурьязанов, балалар сәнгать мәктәбе директоры Гөлнара Сабирова, Раил хәзрәт һ.б. чыгыш ясадылар.

Татарстан Республикасы Авыл хуҗалыгы һәм азык–төлек министрлыгы 2013 ел нәтиҗәләре буенча районнарның рейтингын төзеде. Арча районы 17нче урында. Сөт җитештерү буенча алтынчы урында торабыз. Калган күрсәткечләр шактый түбәндә, хезмәт хакы буенча — 27, кредитлар буенча 34нче урында.

Яңа ел аеруча балалар өчен күңелле бәйрәм. Кыш бабай, Кар кызы белән очрашу, бүләкләр алу, яшел чыршы янында җырлап–биеп күңел ачу—тулы бәхет өчен сабыйларга тагын ни кирәк. Өстәвенә, әле аларны сөендереп, каникуллар башлана. Балаларны бу көннәрдә берсеннән–берсе матур, күңелле чаралар көтә. Шуларның берсе—чыршы бәйрәмнәре. Алар 25–28 декабрь көннәрендә балалар бакчаларында, мәктәпләрдә үтәчәк. Мәктәп яны лагерьлары да 25 декабрьдә үзенең ишекләрен ача.

20 декабрьдә “ТАТМЕДИА” ачык акционерлык җәмгыятенең генераль директоры Фәрит Шаһиәхмәтов, аның беренче урынбасары Марат Ибләминов, телевидение һәм радио буенча департамент җитәкчесе Алексей Данилов, Арча муниципаль район башлыгы Алмас Назиров белән бергәләп “Арча хәбәрләре” район газетасы редакциясендә һәм “Арча” телерадиокомпаниясе”ндә булдылар.

1979 елның яңа ел алды. Алмагачлар өшегән бик салкын кыш иде ул. Матур күлмәкләр киеп, көзге каршында бөтерелә–бөтерелә балмаскарадны түземсезлек белән көтәбез. Айван клубының шау–гөр килеп торган чагы. Бермәлне урамнан кемдер кычкырып үтте: “Клуб яна!” Бәйрәм кайгысы бетте, барыбыз да шунда йөгердек.