ЯҢАЛЫКЛАР

7 ноябрьдә иртәнге 6 сәгать 50 минутта Арча белән Түбән Мәтәскә авылы арасында юл һәлакәте булды. Киров өлкәсенең Малмыж шәһәреннән Арча ягына таба кызу тизлек белән барган “ВАЗ–21102” машинасы кагыйдә буенча рөхсәт ителмәгән урында каршы як полосага чыга һәм “ВАЗ–21074” машинасы белән бәрелешә.

Әңгәмәдәшебез — район хастаханәсенең балалар консультациясе мөдире Алсу Кузнецова.
— Алсу ханым, кышка таба барсак та көннәр җылы, юеш, инфекция-ләрнең үрчүенә бик уңайлы мохит. Салкын тиеп авырулар буенча районда хәл ничек тора?

Юл–транспорт һәлакәтләренең артуы һәм аларда бик еш балаларның да зыян күрүе йөрәкне әрнетә. Күптән түгел Арча белән Наласа арасында булган авариядә дә әле яши генә башлаган сабыйның дөнья белән саубуллашуы бөтен кешене тетрәндерде. Күңелсез хәл килеп чыккан очракта, без аны күрәчәккә сылтарга тырышабыз. Әмма төптәнрәк уйлап караганда, аны булдырмый калырга да мөмкин бит. Һәм ул бездән, өлкәннәрдән, тора. ЮХИДИ хезмәткәрләре әйтүенчә, бу очракта да кызу тизлек белән барылмаса һәм куркынычсызлык каешы тагылса, мондый аяныч хәл килеп чыкмаган булыр иде.

“Без бик бай яшибез, Аллага шөкер”,—диде озата чыкканда Мәсхүдә Хәкимова. “Нинди бай булыйк инде без, әни”,—дип бүлдерде аны кызы Роза ханым. “Әнә онны, шикәр комын капчыгы белән алып кайтып куйдың. Бу зур байлык инде, кызым”. Тыл ветеранының бу сүзләреннән күзгә яшьләр килде. Мәсхүдә апаның бер капчык онны олы байлыкка санавына аптырарлык түгел. Бер телем булса да ипи ашарга тилмереп яшәгән сугыш чоры баласы ул.

Хөрмәтле райондашлар! Сезне Халыклар бердәмлеге һәм Татарстан Республикасы Конституциясе көннәре белән чын күңелдән котлыйм.
Халыклар бердәмлеге көне, тарихи хатирәне яңартып, бердәм булганда гына җиребезне саклап калырга һәм социаль гаделлек, суверен демократия принцибына нигезләнгән федератив дәүләт төзергә мөмкин икәнлеген илебез гражданнарының тагын бер тапкыр исләренә төшерә. 

Совет заманында билгеле галим Иван Мичуринның “Без табигатьтән рәхимлекләр көтеп тора алмыйбыз. Аларны аннан алу — безнең бурыч!” дигән канатлы сүзләре бик популяр иде. Галим: “Әмма болар табигатькә зыян китерергә тиеш түгел!” — дип дәвам иткән булган, югыйсә.

Исеме районыбызда гына түгел, республикада да яхшы билгеле хезмәт ветераны, мөхтәрәм якташыбыз Наил Закир улы Сабиров 28 октябрьдә Казанда совет халкының Бөек Ватан сугышында Җиңүенә 70 ел тулуга багышланган тантаналарны әзерләү һәм үткәрү буенча оештыру комитеты утырышында катнашты һәм чыгыш ясады. Шушы уңайдан без аңа берничә сорау белән мөрәҗәгать иттек.

Күп фатирлы йортларның уртак файдалану урыннарында (подъезд һ.б.) кулланыла торган электр энергиясен ничек экономияләп була?

Узган якшәмбедә Яңа Кырлай мәчетендә олы тантана булды—ул үзенең 100 еллык юбилеен билгеләп үтте. Анда авылның өлкән апа–абыйлары чакырылды, кунаклар да күп килгән иде. Бу уңайдан биредә зур мәҗлес оештырылды. Өстәл артындагылар корбан итеннән пешерелгән пылаудан авыз итте. Тантаналы мәҗлесне Яңа Кырлай мәчете имам–хатыйбы Вазыйх Гарипов алып барды, мәчет тарихы белән таныштырды.

Район прокуроры урынбасары Алмаз Сәгыйтьҗанов аңлата:
Эш белән тәэмин итүче язмача гариза нигезендә хезмәткәргә соңгы эш көнендә хезмәт кенәгәсен һәм башка эш белән бәйле документларны бирергә һәм ахыргача исәп–хисапны ясарга бурычлы (Россия Федерация-се Хезмәт кодексының 80нче маддәсе).