ЯҢАЛЫКЛАР
Күршең үзеңнән яхшы булсын, диләр. Арча станциясе Хезмәт урамында яшәүче хезмәт ветераны Суфия Качалова бу яктан бик бай. “Без күршеләр белән гомер–гомергә туганнар кебек дус, тату яшибез, Аллага шөкер. Бары бергә, югы уртак булды. Хезмәттәшләрем дә онытмый. Ул да минем өчен зур шатлык”, – ди Суфия апа.
Икенче ел рәттән инде Россия Эчке эшләр министрлыгы Арча районы буенча бүлегенең ЮХИДИ бүлекчәсе хезмәткәрләре 8 Март көнне руль артындагы хатын-кызларга чәчәкләр бүләк итә. Казанда бу күркәм гадәт күптәннән бар икән инде. Башкалабызда эшләп, ЮХИДИ бүлекчәсен җитәкләргә кайткач, Ришат Хуҗин автоледиларга бәйрәм көнендә штрафлар урынына чәчәкләр бүләк итүне районда да матур традициягә әверелдерде.
10 мартта Шушмабаш урта мәктәбенең спорт залында 2006 елда һәм соңрак туган малайлар арасында “Северный” ширкәте призына көрәш буенча район беренчелеге үткәрелде.
Халыкара хатын-кызлар көнен районның волейбол федерациясе рәисе, “Арча КСМы” ширкәте җитәкчесе Рафаэль Муллагалиев спорт бәйрәме буларак та билгеләп үтәргә булды. Яшьләр эшләре һәм спорт бүлеге хезмәткәрләре белән берлектә ул хатын-кызлар арасында волейбол ярышлары оештырды.
Арчадан Яңа Кырлайга кадәр чаңгыда барганны хәтерләмиләр. 9 мартта, бәйрәм арты, чаңгычылар 20 км.га ярышка чыгып киттеләр. Кем идеясе икән бу, дип сораштым. Район башлыгыныкы, диделәр. Район башлыгы Илшат Нуриев үзе озатып калды чаңгычыларны. “Бу гади генә ярыш түгел, бу Тукайга бару”, – диде ул.
Прокуратура таләбе буенча мәктәпләргә видеокүзәтү системасы куелачак.
Арча районы прокуратурасы укучыларның куркынычсызлыгын тәэмин итү максатларында мәгариф һәм террорчылыкка каршы тору турындагы законнар таләпләренең үтәлешен тикшерде.
14 мартта Бөтенроссия “Язгы изге эшләр атналыгы” акциясе кысаларында Арча үзәк китапханәсендә, Халыкара елгалар көне уңаеннан, акция узды. Акциянең максаты – киң җәмәгатьчелекне шәһәребез һәм районыбызның экологик проблемаларына игътибар иттерү.
9 мартта Татарстан Республикасы Президенты Рөстәм Миңнеханов катнашында видеоконференция режимында үткән киңәшмәдә ТР Премьер–министры урынбасары, авыл хуҗалыгы һәм азык–төлек министры Марат Әхмәтов терлекчелек тармагындагы ике айлык эшкә йомгак ясады.
Марат Әхмәтов республикада быел ике айда терлек һәм кош итенең 3 процентка күбрәк җитештерелүен билгеләп үтеп, сөт җитештерү темасына тулырак тукталды. Ике айда 200 мең тоннага якын сөт җитештерелгән, бу узган елның шул чорындагыдан 3 процентка артык.
Роза апа Нуретдинова икенче төркем инвалид. 83 яшендә булса да, өй тирәсендә йөри, ашарына пешерә.
– Тик еракларга бара алмыйм. Тын бетә, бот төбеннән аяк хәлсезләнә. Шулай да кайчакта каршыдагы кибеткә чыгып керәм әле, – ди ул. – Минем ярдәмчеләрем бар, Аллага шөкер. Халыкны социаль яклау бүлегеннән шәфкать туташы Рамилә Борһанова белән социаль хезмәткәр Зәйтүнә Гатиятуллина килеп, сәламәтлегемне кайгыртып торалар, йорт эшләрендә булышалар, кибеттән азык–төлек алып кайтып бирәләр. Бик әйбәт кызлар, күз тимәсен.
7 мартта Арча Мәдәният йортында “Арча гүзәле – 2018” бәйгесе узды. Районыбызның чибәрләрдән-чибәр 7 кызы шушы исем өчен көч сынашты.
Кызларның булдыклылыгы бәйге барышында ачыла барды: һәммәсе чибәр, һәммәсе нәрсәгә дә булса сәләтле. Хәтта сәясәт буенча да үз фикерләре бар. Видеоязмалар аша үзләренең сәләтен, кызыксынуларын, яраткан эшләрен, буш вакытларының ничек узуын тәкъдим итүне кызлар сәхнәдә җыр-биюле чыгышлары белән тулыландырып, талантларын да күрсәтте. Конкурсантларны һәм тамашачыларны котлап, эстраданың талантлы җырчысы Ришат Фазлыйәхмәтов, Арчабызның һәвәскәрләре Расих Галимҗанов, Рәсим Низамиев, Данис Гайфуллин дәртле җырлар бүләк итеп, кичәне тагын да ямьләде.