ЯҢАЛЫКЛАР
12 февральдә Арчада яшәүче Зәйтүнә Юнысовага 95 яшь тулды. Аны юбилее белән котлап район башлыгы Илшат Нуриев килде. Әбекәйгә Россия Президенты В.Путинның һәм үзенең Рәхмәт хатларын, бүләк тапшырды.
Районда Зөфәр Ильясовны күпләр белә. Арчаның 5нче гимназиясендә физкультура укытучысы булып эшли. Тыныч, мөлаем кеше. Андыйларны ихтирам итми мөмкин түгел. Үзе: “Мин тыныч. Әмма кызсам, каты кызам...” – ди. Зөфәр 60 яшьлек юбилеен кызыклы итеп үткәрде.
Яңа Кенәрдә яшәүче Рәйсә Сәмигуллина 90 яшьлек юбилеен балалары һәм оныклары янәшәсендә билгеләп үтте. Район башкарма комитеты җитәкчесе урынбасары Рамил Гарифҗанов юбилярга Россия Президенты Владимир Путинның, район башлыгы Илшат Нуриевның Рәхмәт хатларын, чәчәк бәйләме һәм бүләк тапшырды.
“Ир солтаны” бәйгесен караган саен искитәрлек, әйтеп бетергесез талантлы, сокланып туя алмаслык ир–егетләребез булуына хәйран калам. Егет кешегә 70 төрле һөнәр дә аз, диләр. Нинди 70 кенә, 170 төрле һөнәр дә аз аларга.
Быелгы 14 февраль Гашыйклар көне arskmedia.ru сайтының “Син – минеке, мин – синеке” фотоконкурсында катнашучылар өчен аеруча истә калырлык булды. “Арча хәбәрләре” газетасы редакциясе район Мәдәният йорты хезмәткәрләре белән бергәләп алар өчен махсус бәйрәм тамашасы уздырды.
Арча үзәкләштерелгән китапханәләр системасы өчен 2017 ел уңышлары белән истә калды.
Арча муниципаль районы Иҗтимагый советы утырышында коррупциягә каршы көрәш мәсьәләсе турында сөйләшенде. Утырышта район башлыгы урынбасары Любовь Осина катнашты.
Алар эшләсә, җиренә җиткереп бетермичә туктамый, сәнгать, иҗат дигәндә, бар сәләтләрен эшкә җигәләр. Моның шулай икәнлеген “Җир бизәге — туган авылым белән мактанырлык минем хакым бар” дип исемләнгән концертта тагын бер исбатладылар. Урта Курса авыл җирлегенә кергән өч Курса, Сарай-Чокырча, Алан авыллары турында сүзем.
Беркөн безгә шатлыклы хәбәр килеп иреште: Татарстан Республикасы Президенты Рөстәм Миңнеханов Татарстан Транспорт һәм юл хуҗалыгы министрлыгының коллегия утырышында: “Бүген яшьләрнең һәркайсының диярлек машинасы бар, күп кенә өлкәннәрнең исә шәхси транспорты юк. Аларга шул ук хастаханәгә барып кайту өчен дә ярдәм кирәк. Шуңа күрә муниципалитет эчендә автобус маршрутлары булдыруны күздә тоткан программа эшләргә тырышачакбыз”, – дигән, шушы максатка 190 миллион сум акча да бүлеп бирү планлаштырылган иде.
– Бездә сыер савучылар уртача 25 мең сум алып эшли. 30-35 мең алучылар да бар, – ди “Игенче” хуҗалыгы җитәкчесе Илнар Гайнетдинов. –Алай дә әле эшкә киләм дип ашкынып торучылар юк.