ЯҢАЛЫКЛАР
Ә Ашытбаш мәктәбе җитәкчесе Рәмизә Кавиева ачык йөз, кайнар чәй белән кунакларны каршы ала белә.
Район мәгариф учреждениеләре хезмәткәрләренең профсоюз оешмасы җитәкчесе Вакыйф Харисов шахмат, шашка ярышларының ни өчен нәкъ менә Ашытбаш мәктәбендә үткәрелүенең сәбәбен әйтте.
Спорт туризмы хәзер бик популярлашып китте, аны күпчелек яшьләр сайлый башлады. Бүгенге көндә районда 200 бала даими шөгыльләнә.
– “Үзәк” территориаль үзидарәсе белән берлектә Татарстан Республикасы Министрлар Кабинеты грантын оттык, – диде Арча Укучылар сарае җитәкчесе урынбасары Айгөл Галәветдинова.
Арча ягы – данлыклы Казан артының үзәге, татар халкының тарихына үзеннән лаеклы өлеш керткән, татар халкының сөйләм һәм әдәби телен саклап калучы як. Арча җире талантларны күпләп бирде. Халык мәгърифәтчеләре Курсави, Мәрҗани, Күлтәси, халкыбызның бөек шагыйре Габдулла Тукай, язучы Мәхмүт Галәү, халык драматургы Галиәсгар Камал, халык язучылары Гомәр Бәширов, Мөхәммәт Мәһдиев, Гариф Ахунов һ.б. безнең горурлыгыбыз.
14 гыйнварда иртән эшкә килү белән шундый хәбәр килеп иреште. Соңрак билгеле булды: Дамир Каюмовның вагонка ясый торган цехы тулысынча янып беткән. Кешеләргә зыян килмәгән, шулай да матди яктан зур югалту.
Андый чакта сөйләшәсе дә килмәс инде, дип шикләнеп кенә булса да Дамирның үзенә шалтыраттык. Бу борчу аны аяктан екмаган, 26 яшьтә генә булса да, сөйләшүеннән үк нык ихтыярлы кеше икәне күренеп тора.
– Юкәдән вагонка ясый торган зур цех иде. 20дән артык кеше эшләде. Дүрт ел төзедек, бер ел элек тулы көченә продукция җитештерә башлаган идек. Янгынның сәбәбе – цехтагы электродвигательдә. Иң мөһиме – берәүгә дә зыян килмәде. Ә цехны яңадан торгызабыз аны, – диде ул.
– Сезгә, булачак журналистларга, тормышта төрле хәлләргә очрарга туры киләчәк, – дигән иде без хөрмәт иткән остазыбыз Җәүдәт Акчурин. – Сезгә һәрвакыт ярдәм итәчәк бер киңәшне истә тотыгыз. Менә сез урынга барасыз, мәсьәләне ачыклап, блокнотыгызны тутырып кайтасыз. Ә газетага язганда блокнотның яртысында язганнарны гына файдаланыгыз. Ни өчен шулаймы?
Җәй уртасында, Арчаның сәнгать мәктәбендә, районда Экотехнопарк (чүп аеру полигоны) төзелүгә карата уздырылган җыелышта катнашырга туры килде. Җыелыш озак барды, халык та шактый күп җыелган иде. Билгеле, бу бик яхшы күренеш, райондашлар үзләре яшәгән туган төбәге язмышына битараф түгел, димәк. Моңа карата төрле фикерләр әйтелде. Каршы килүчеләр дә, яклаучылар да булды. Вә ләкин мин үзем бу җыелышта төгәл бер фикергә килә алмадым. Чөнки бу мәсьәләне бар яктан уйлап, анализ ясарга кирәк. Әлеге җыелышта “Тукай төбәген чүпкә батырмыйк”, – дигән сүзләр яңгырады.
Иң беренче сүзне Арчада яшәүче Рауза һәм Рәис Сәмиевлардан башлыйк әле. Алар 55 ел бергә гомер кичерә. Икесе районның ике почмагыннан (Рәис абый Субаш Аты, Рауза апа Урта Пошалымнан) булсалар да, балачаклары авыр сугыш елларына туры килүе белән язмышлары охшаш аларның. Рәис абый 7 сыйныфтан соң элеваторда тимерче, склад мөдире, экспедитор, балта остасы да була. Шуннан лаеклы ялга китә. Рауза апа Лаешта урман кисә, кайткач фермада эшли. Насыйбы белән очрашу аны Арчага алып килә. Биредә ул башта элеваторда, аннан балалар бакчасында тәрбияче ярдәмчесе була. Бүгенге көндә уллары Рәдиснең, киленнәре Гөлнур, оныклары Энҗенең уңышларына куанып яши алар.
Арча районының Шура авылында туа ул. Апасы Ләйсән белән икесен язмыш яшьтән сыный: авырып башта әтиләре, берничә елдан әниләре үлеп китә. Кызлар үз көннәрен күрү өчен тырышып-тырмашып яши башлый. Апасы Ләйсән гаиләсе белән Биектауда урнашкач, Дилә дә, гаилә тормышы барып чыкмагач, улы Әмирханны ияртеп апасы янына китеп бара, шунда эшкә урнашып яши башлыйлар. Язмыш аларны Радик белән очраштырып, кабат әни булу бәхетен бүләк итә.
Әле шушы арада гына Хәсәншәех авылына Бөек Ватан сугышы һәм хезмәт ветераны Рәис Сәгыйтьҗановны 95 яшьлек юбилее белән котларга бардык. Район башлыгы урынбасары Гөлнара Гарипова аңа Россия Федерациясе Президенты Владимир Путинның һәм район башлыгы Илшат Нуриевның Рәхмәт хатларын, бүләк тапшырды.
Туган йортка Рәис абыйның балалары, оныклары да кайткан иде. Улы Рәфгать, килене Ясминә белән яши ул. Хатыны Мотыйга апа 2010 елда вафат булган.
Анда биш меңгә кадәр кеше катнашты һәм алар ун табиб өчен тавыш бирде. Менә ул табиблар: Яңа Кенәр участок хастаханәсе педиатры Рафия Аксакова, Арча үзәк хастаханәсеннән хирург Фәнис Гайфетдинов, гомуми практика табиблары Айрат Закиров, Роза Котельникова, Рәмзия Хәйруллина, педиатр Алсу Кузнецова, реаниматология төркеме анестезиологы Ринат Урманов, анестезиолог-реаниматолог Назыйм Фәттахов, бүлек мөдире, акушер- гинеколог Раушания Хәсәнова, бүлек мөдире, терапевт Ренат Хәстиев.