ЯҢАЛЫКЛАР

23 апрельдә “Бердәм Россия”нең “Яшь гвардиясе” яшьләр оешмасының Арча җирле бүлегендә “ПолитЗавод–2014” республика иҗтимагый–сәяси проекты кысаларында Яшьләр форумы узды.

Узган атнада район Мәдәният йортында Гала–концерт булды. «Газиз Арчам! Даның зурдыр, юлың туры, сиңа багышлана ул–кызларың җыры” дигән исем астында предприятие, оешма һәм учреждениеләр арасында ел дәвамында барган концерт–бәйгеләр сезонына йомгак ясалды. Чыгышлар Габдулла Тукай исемендәге Арча педагогика көллияте вокаль ансамбле башкаруында “Туган тел” җыры белән башланды.

22 апрельдә “Казан арты” тарих–этнография музеенда мәктәпләрнең 8–10 сыйныф укучылары арасында олуг шагыйрь Габдулла Тукайның туган көненә багышланган “Моңлы сазым” дип исемләнгән әдәби–музыкаль кичә узды.

Рәхим Джумадурдыев Түбән Атыда кыяр теплицасында эшли. Биредә эшләүче үзбәкләрнең бригадиры ул. Шәхси эшмәкәр Дамир Хәлиуллинның 5 гектар мәйданны биләүче теплицаларында өч ел инде кыяр үстереп, Казан халкын яңа өзелгән кыяр белән тәэмин итәләр.

23 апрельдә ТР буенча Эчке эшләр министрлыгының ЮХИДИ идарәсе җитәкчесе Рифкать Миңнеханов Арчага килде. Башта ул ЮХИДИ идарәсенең Арча бүлекчәсе хезмәткәрләре, участок инспекторлары белән очрашып сөйләште, судта, прокуратурада булып, юлларда иминлек сагын яхшырту буенча яңа ысуллар турында сүз алып барды. 11 сәгатьтән 12 сәгатькә кадәр юл хәрәкәте куркынычсызлыгын тәэмин итүгә кагылышлы сораулар буенча гражданнарны кабул итте. Форсаттан файдаланып, без дә аңа берничә сорау бирдек.

Район прокуратурасы «Идарәче компания» җаваплылыгы чикләнгән ширкәтендә гражданнар мөрәҗәгатьләрен карау өлкәсендә закон таләпләре үтәлешен тикшерде.

Соңгы елларда күпләрнең бәрәңге үстерүдән гайрәте чикте. Чөнки мәшәкате, чыгымнары бик нык артты. Узган гасырның сиксәненче елларына кадәр бәрәңгенең корткычлары да, авырулары да юк диярлек иде. Сентябрь ахырына кадәр үсә иде ул, ямь–яшел сабакларын урырга кызганып торалар иде.

Армиягә чакырылучылар белән очрашуны оештыру күркәм традициягә әверелде. Кичә Арча сәнгать мәктәбендә шундый чараның чираттагысы үткәрелде. Анда быел армия сафларына алынучы егетләребезне котлау, аларга теләкләрен җиткерү өчен ветераннар, отставкадагы хәрбиләр, әти–әниләр килгән иде.

Кушлавычтагы Габдулла Тукай музеенда музей, авыл клубы, китапханә, мәктәп коллективларының тырышлыгы белән “Бер мәдрәсәнең серләре” дигән әдәби–музыкаль кичә үткәрелде.

2014 елның 21 апреленнән 30 апрельгә кадәр район территориясендә “Куркынычсыз йорт, подъезд, фатир” дигән комплекслы операция үткәрелә. Ул милек җинаятьләрен булдырмау һәм объектларны, фатирларны, йортларны полициянең ведомстводан тыш сагы карамагына алуны активлаштыруны күздә тота.