ЯҢАЛЫКЛАР

10нчы балалар бакчасында Яр Чаллыдан “Көмеш кыңгырау” газетасы мөхәррире, язучы Факил Сафин, шагыйрә Әлфия Ситдыйкова, Татарстанның атказанган артисты Зиләрә Имаметдинова белән кызыклы һәм эчтәлекле очрашу булды.

Бар оешма да Арча педагогика көллияте кебек булса икән ул. Үзләрендә эшләп чыккан пенсионерларны онытмый алар, һәрдаим искә алып торалар, ветераннар үзара хәл белешеп, көллияттә очрашалар. Әле менә яңа гына, үткән шимбәдә, көллият бакчасына бергәләп агач утыртты алар, аннан соң рәхәтләнеп сөйләшә-сөйләшә кайнар коймак белән чәй эчтеләр.

Арча муниципаль районында әдәбият һәм сәнгатьне үстерү, әдәбият һәм сәнгать өлкәсендә талантлы укучыларны барлау һәм бүләкләү, иҗади активлыгын стимуллаштыру максатыннан әдәбият һәм сәнгать өлкәсендә Арча муниципаль районының Габдулла Тукай исемендәге премиясе турында

26 апрельдә ТР муниципаль берәмлекләр Советы рәисе Минсәгыйть Шакиров җитәкчелегендә Төркиянең муниципаль хакимият вәкилләре делегациясе Арчага килде. Аның составында Коджаэли шәһәре мэры, төрки дөнья муниципалитетлар берлеге башлыгы Ибраһим Караосманоглы, төрки дөнья муниципалитетлар берлеге генераль секретаре Мостафа Башкорт, Төркиянең Кырым татарлары федерациясе башлыгы, промышленник һәм меценат Ибраһим Араджи бар иде.

29 апрельдә Татарстан Республикасы фермер, крестьян хуҗалыклары, авыл кулланучылар кооперативлары ассоциациясе рәисе Камияр Байтимеров Арча районында булды. Ул фермерлар белән очрашты, Казанбаш авылында төзелеп килүче сәнәгать мәйданчыгын карады.

Узган шимбәдә арчалылар Казан шәһәрендәге Агросәнәгать паркында бик матур ярминкә оештырды.

Яңа Кырлайда узган Тукай укуларында республика мәктәпләреннән һәм Чувашиядән килгән 52 укучының эше тыңланды.

26 апрель Татарстанда урман утырту көне иде. Бу көнне районның хезмәт коллективлары бердәм рәвештә әлеге изге эштә актив катнашты.

Хуҗалыклар җитәкчеләре, белгечләре узган көз соңрак чәчелгән басуларда уҗымнар әйбәтрәк кышлап чыкты, диләр. Арча сорт сынау участогында 11 сентябрьдә чәчкән булганнар, уҗымнар — сокланырлык!

Арча һәм Әтнә районнары буенча Пенсия фонды идарәсе каршында пенсионерлар өчен Университет эшли башлады. Ул рәсми рәвештә район мәгариф идарәсенең актлар залында ачылды. Өченче буын Университетында белем алырга теләүчеләрне район мәгариф идарәсе җитәкчесе Рина Бәдриева, район Пенсия фонды идарәсе җитәкчесе урынбасары Гөлназ Ибәтуллина сәламләде һәм уңышлар теләде.