ЯҢАЛЫКЛАР

“Ак Барс–агро” ширкәтендә һәр эшне җиренә җиткереп башкарырга яраталар. Витаминлы үләннәр әзерләү мәсьәләсендә дә шулай. Сикертән бригадасы бригадиры Минсур Минсафин белән узган ел әзерләнгән үлән, яфрак азык көлтәләрен карап йөрдек. “Болары — артып калганы, — диде ул. — Сакланышы әйбәт, сыйфаты үзгәрмәгән”.

Күпләр чираттагы ялларын җәй айларына туры китереп ала. Ял бары тик яхшы тәэсирләр генә калдырсын өчен билетлар алып кую һәм кунакханә номерларына алдан заказ бирү генә җитми. Быелгы җәйдә кемнәрне чит илгә чыгармаулары турында без Арча районара суд приставлары бүлеге җитәкчесе Ф.М.Абдуллиннан белештек.

Кышкы матур кич. Алмагач чәчәкләредәй ап–ак кар ява. Алар, ай яктысында күзне камаштырып, җемелдәп–җемелдәп ала. Шундый гүзәллеккә сокланып, сәнәгенә таянып онытылып торган Марсны кызларның чыркылдап көлүе айнытып җибәргәндәй итә.

Тарихи–мәдәни мирас елы уңаеннан районда авыл җирлекләре арасында “Татар кызы — 2012” бәйгесе оештырылды. Кызлар башта зоналап ярыштылар, аннан “Колос” мәдәният йортында йомгаклау өлеше булды.

“Сабантуй” балаларның иң яратып укый торган газеталарының берсе. Алар анда үзләре иҗат иткән шигырь, хикәяләрен, рәсемнәрен җибәрәләр, бәйгеләрдә бик теләп катнашалар.

Ни чәчсәң, шуны урырсың, ди халык мәкале. Әле уракка ерак булса да, кемнең нинди уңышка өмет итә алуы басуларда ачык күренә инде. 2 июньдә чәчүлекләрне кабул итү вакытында бирелгән бәяләр дә төрле, имтиханда “5”легә лаеклылар да, түбәнрәк билге алучылар да бар.

5 ИЮНЬГӘ район хуҗалыкларында 850 гектарда (урыласы мәйдан — 22660 гектар) күпьеллык үләннәр урылды, 18 тонна витаминлы печән әзерләнде.
“Татарстан”, “Ватан” хуҗалыкларында 135–130 гектарда күпьеллык үләннәр урылды.
4 июньдә район хуҗалыкларында бер сыердан уртача 14,1 килограмм сөт савылды. Бу узган елның шул көнендәгедән 0,5 килограммга артык.

1 июнь — җәй һәм озын каникуллар башы гына түгел, ә Халыкара балаларны яклау көне дә. Бу балалар өчен иң күңелле бәйрәмнәрнең берсе.

29 майда Арча үзәк китапханәсендә Бөтенроссия сукырлар җәмгыятенең Арча җирле оешмасы исәп–хисап конференциясе булды. Оешма секретаре Ләйсән Зарипова башкарган эшләре турында сөйләде, киләчәккә планнары белән таныштырды.