ЯҢАЛЫКЛАР

19 ноябрьдә Казан шәһәрендә X Халыкара « КИТ» конкурсы узды. Арча балалар сәнгать мәктәбе укучысы Кузнецов Вадим гитарада уйнап «Инструменталь музыка» номинациясендә II дәрәҗә лауреат исеменә лаек булды.

2016 нче елның 21 ноябрь көнне Арча районы “Мәрхәмәтлек үзәге” белгечләре социаль педагоглар һәм психологлар.   “Эни дөньяда иң яхшы” дигән  мәдәни- күнел ачу чарасы үткәрделәр.

“Сервис–Агро” ширкәтенә караган “Кырлай” агрофирмасына багышланган сәхифә газетабызның 11 ноябрь санында басылган иде. Бүген сүзебез әлеге ширкәтнең икенче хуҗалыгы — “Игенче” агрофирмасы турында.

“Игенче” агрофирмасы 2008 елның мартында оешты. Аның составына элеккеге “Наласа МТСы”, “8 Март”, “Югары Аты” хуҗалыклары, Айван, Яңасала, Венетаның 4 мең гектар дәүләт җирләре керә. Сөрүлек җирләре — 11247 гектар.

Арчадан Наласага барганда уң якта Арча сорт сынау участогы бинасы күренеп кала. Бу юлы ул тирәдә кайнашкан техникага күз төште.

— Утырту бәрәңгесе бездә игелә бит, шул басуларны сугарулы итәргә әзерлек бара, — диде “Игенче” агрофирмасы җитәкчесе Илнар Гайнетдинов. — Ике скважина казылды инде, тирәнлек —93 метр. 80х100 метр зурлыкта, 24 мең кубометр сыешлы бассейн ясала.

Хөрмәтле арчалылар! Гражданнарга үзара салым программасы Арча муниципаль районында өченче ел рәттән уңышлы тормышка ашырыла. Үзара салым җирле әһәмияттәге мәсьәләләрне хәл итү һәм җирле бюджетларны тулыландыруның мөһим инструментына әверелде.

Программаның нәтиҗәлелегендә дәүләт ярдәме хәлиткеч роль уйный, гражданнардан җыелган һәр бер сумга Татарстан Республикасы бюджетыннан тагын дүрт сум өстәлә. Мәсәлән, 2014 елдан башлап Арча муниципаль районы халкыннан үзара салым тәртибендә 16683,90 мең сум акча җыйналды. Республика әлеге суммага тагын 54538,2 мең сум өстәде инде. Әлеге акчалар җирлекләр өчен кискен торган проблемаларны: гомуми файдаланудагы юлларны һәм җәяүле күперләрен төзү һәм ремонтлауга, зиратларны төзекләндерүгә, су белән тәэмин итүгә, янгын куркынычсызлыгын тәэмин итүгә һ.б. бирелде. Арча шәһәрендә үзәк урамнарны яктыр- туны яхшырту буенча зур эш башкарылды. Интернационал, Зур урамнарында энергия саклый торган яңа як- тырткычлар, терекөмеш- ле лампалар урынына натрий лампалы як- тырткычлар куелды.

– Нинди хәл бу, салым түләү квитанциясе килмәде, салым инспекциясенә барган идем, анда кеше, сәгатьләр буе чират тордык, – дип, редакциягә шалтыраттылар.
10 ноябрьдә Арчаның салым инспекциясенә бардым. Көндезге сәгать 10. Коридор тулы халык. Чират алдым да, эчкә уздым. Өч хезмәткәр: баш салым инспекторы Лилия Рамазанова, өлкән салым инспекторы Зөлфия Зыятдинова һәм белгеч Лилия Әхмәтгалиева хезмәт күрсәтә. 
Сәгатьтән артык чират тордым. Дөресрәге, чиратым килеп җиткәнче хезмәт күрсәтү бүлмәсендә халыкның нинди сораулар белән килгәнен өйрәндем. Сораулар мондыйрак иде.
– Транспорт һәм җиргә салым квитанциясе килде, ә милек төшеп калган? 
– Шәхси кабинет ачасы иде

Түбән Аты авылында яшәүче, 1970 елда туган Айрат Хәбибрахманов ике тапкыр исерек хәлдә автомобиль белән идарә иткән өчен тоткарлана.

2014 елда ул исерек хәлдә автомобиль белән идарә иткән өчен 30 мең сум штрафка тартыла, 1 ел 9 айга транспорт чаралары белән идарә итү хокукыннан мәхрүм ителә. Әмма тиешле нәтиҗә ясамый, яңадан исерек килеш руль артына утыра. Быел 16 сентябрьдә кич Казан–Малмыж юлында “ВАЗ–21099” автомобиле белән каршы як хәрәкәт полосасына чыга һәм башка транспорт белән бәрелешә.

Әлеге һәлакәт нәтиҗәләре буенча А.Хәбибрахмановка карата җинаять эше кузгатылды. 7 ноябрьдә җәмәгать суды гаеплегә карата РФ Җинаять кодексының 264.1 маддәсе (шундый хокук тәртибен бозган өчен элек административ җәзага тартылган кешенең исерек хәлдә автомобиль белән идарә итүе) буенча гаепләү хөкем карары чыгарды. Суд карары буенча Хәбибрахмановка 200 мең сум штраф салынды, ул 2 ел 2 айга транспорт чаралары белән идарә итү хокукыннан мәхрүм ителде.

Күптән түгел терлекчелек буенча үткән семинарда бер кызыклы яңалык күрдек.

— Сыерның буазлыгын 30 көннән әйтеп бирәм, — дип сөйләде ветеринария табибы. — Кызыксынган кешеләр экраннан карый да ала.

Соңыннан әлеге белгечнең үзе белән очрашып сөйләштек. Шамилов Ирек Мансур улы Кукмара районыннан. Казан дәүләт ветеринария медицинасы академиясен тәмамлаган. Армиядә хезмәт итеп кайткач хуҗалыкта ветеринария табибы булып эшли.

— Ферма мөдире дә, ветеринария табибы да булырга туры килде, тояк авырулары буенча да эшләдем, — ди ул. — Казанда курсларда укырга тәкъдим иттеләр. Яңа һөнәр булыр дип, риза булдым, әлеге яңалыкка шунда өйрәндем. Кайткач хуҗалык УЗИ аппараты алып бирде, ярты ел шуның белән эшләдем, аннан соң үзем сатып алдым. Бик кирәкле эш булып чыкты ул, шәхси хуҗалыклардан да чакыруларны күп алам.

Яңа Кырлай мәктәбенең татар теле һәм әдәбияты укытучысы Миләүшә Зарипова Татарстан Республикасы Мәгариф һәм фән министрлыгы, “Мәгариф” журналы үткәргән “Авыл укытучысы – 2016” бәйгесендә икенче урынны яулады, диплом һәм мутон тун белән бүләкләнде. Якташыбызның уңышы белән чын күңелдән горурланабыз, аңа яңа җиңүләр телибез.

Ә бүген Миләүшә Зарипова редакциябезнең кунагы. Йомшак кына тавышлы, сүзләрен уйлап кына әйтә, үтә сабыр булуы, җитдилеге беренче карашка ук күзгә ташлана.

– Мин үзем Яңа Кишет кызы. Әнием Рәкыйга гомер буе балалар бакчасында эшләде, әтием Рафис шофер, – ди Миләүшә ханым. – Укыганда гел әни янына эшкә барып йөри идем. Әллә шуңа, әллә Олы Мәңгәргә йөреп укымас өчен, әллә сыйныф җитәкчем Әлфия Шакирҗанова үрнәгендә Яңа Кишеттә 8 сыйныфны тәмамлаганнан соң педагогия училищесына укырга кердем. Хәер, ул чакта без башка һөнәрне белмәгәнбез дә.

Арча сәнгать мәктәбе сәхнәсе шәһәребезнең һәм авыллардагы балалар бакчаларына йөрүче берсеннән-берсе гүзәл чәчкәдәй кызларны үзенә “Нәни Сөмбелә” бәйгесенә җыйды.

Кызлар матур костюм- нарын яклап чыгыш ясау белән беррәттән, җыр-биюгә, нәфис сүз сөйләүгә сәләтләрен күрсәтеп, жюрины сайлап алуда авыр хәлдә калдырды. Чөнки һәммәсе сәләтле, сәхнәдә үзләрен иркен тоталар, өстәвенә, кайберләре чыгыш ясаганда булышырга, бергәләп биергә, җырларга бакчадагы дусларын да алып килгән.

Бәйгедә 21 кыз ике төрле яшь буенча көч сынашты: 3-5 һәм 5-7 яшьлекләр. Җиңүчеләр түбәндәгеләр:

3-5 яшьлекләр арасында : 1 урында — Әминә Ибраһимова (Арчаның 11нче балалар бакчасы), 2 урында — Зәмирә Гапсаттарова (Арчаның 1нче балалар бакчасы), 3 урында — Рамия Хәбибуллина (Яңа Кенәр балалар бакчасы)

Яшь эшмәкәрләр район социаль-икътисади үсешенең төп көчләренең берсе. Районда яшьләргә зур өметләр баглана.

Кече һәм урта бизнесны үстерү, халыкның мәшгульлеген тәэмин итү, эш урыннары булдыру 2016–2021 елларга расланган Арча муниципаль районы социаль-икътисади үсеш стратегиясенең төп бурычлары булып тора. Шул нисбәттән Татарстан Республикасы Икътисад министрлыгы ярдәме белән эшмәкәрлек эшчәнлеген популярлаштыруга юнәлтелгән чаралар үткәрелә.