ЯҢАЛЫКЛАР
7 сентябрьдә Арча район Мәдәният йортында ветераннар арасында “Балкыш” фестиваленең 2 туры зона концертлары узачак. Башлана 11 сәгатьтә.
Россиядә ел саен 3 сентябрьдә террорчылыкка каршы көрәштә бердәмлек көне билгеләп үтелә. 2004 елның әлеге көнендә террористлар Төньяк Осетиянең Беслан шәһәрендәге мәктәпне шартлатып, меңнән артык гаиләгә кайгы китерде, 300 дән артык кешене һәлак итте. Меңнән артык гаилә дию генә аз, ил буйлап барча кешене тетрәндерде бу афәт. Һәлак булган балаларның да бәхеткә хакы бар иде бит. Фаҗига турында мәктәпләрдә ел саен укучыларга класс сәгатьләре уздырыла, документаль фильм күрсәтелә.
Арча Үзәк китапханәсендә әдәбият сөючеләрнең рус шагыйрәсе Ольга Полторецкая белән “Йөрәктән – йөрәккә” исемле әдәби очрашу кичәсе узды. Кичәдә укучыларга шагыйрәнең “Җирдәге бәхет” исеме астында тупланган шигъри җыентыгы тәкъдим ителде.
31 августта Татарстан Республикасы Премьер–министры Илдар Халиков Арча районында булды. Аны муниципаль район башлыгы Илшат Нуриев каршы алды һәм озатып йөрде.
31 августта Арчага “Көчле Татарстан! Бердәм Россия” партия эстафетасы килде. Бердәм россиялеләр командасында Дәүләт Думасы депутатлары Александр Сидякин һәм Илдар Гыйльметдинов Арча халкы белән очрашты. Шулай итеп, партия командасы районнарда, халык белән очрашып, наказлар җыя.
Быел районда биш мәктәп ныклап төзекләндерелде. Шуларның берсе Кәче төп гомуми белем мәктәбе. 31 августта ата-аналар, балалар, кунаклар аны ачу тантанасына җыелды. Мөхтәрәм кунаклар арасында Арча муниципаль район башлыгы Илшат Нуриев, Россия Федерациясе Дәүләт Думасы депутаты Илдар Гыйльметдинов, Татарстан Республикасы Дәүләт Советы депутатлары Ринат Закиров, Рауил Рәхмәтуллин бар иде.
30 августта Татарстан халкы Республика көнен бәйрәм итте. Арчалылар да читтә калмады бәйрәмнән — кич Җиңү паркына җыелдылар.
31 август район тормышына бик бай күңелле вакыйгалары белән кереп калачак. Районга гына түгел, Кече Төрнәле авылы халкы өчен дә истәлекле булачак ул көн. Чөнки биредә халык күптән көткән яңа басманы ачу тантанасы узды.
Арча муниципаль район башлыгы Илшат Нуриев 30 августта Иске Кырлай авылында яшәүче Өммелхияр Сабированы 90 яшьлек юбилее белән котлады. Аңа Россия Федерациясе Президенты Владимир Путинның һәм үзенең Рәхмәт хатларын, бүләк тапшырды.
Кичә район мәктәпләрендә яңа уку елы башланып китте. Быел аларда 5280 бала белем ала. Шуларның 610сы — беренче сыйныфка керүчеләр.