ЯҢАЛЫКЛАР

12 мартта үткән май чабу бәйрәменә Казаннан “Trespassers МСВ” мотоциклчылар клубыннан бер төркем байкерлар, төрле төбәкләрдән мотоцикл сөючеләр кайтты.

11 мартта район хакимиятенең актлар залында Бөек Җиңүнең 71 еллыгын каршылауга әзерлек чараларына багышланган киңәшмә үтте.

Аны район башлыгы Илшат Нуриев алып барды. Киңәшмәдә ТР хәрби комиссары, генерал-майор Сергей Погодин да катнашты

Арча муниципаль район башлыгы Илшат Нуриев 14 мартта Шушмабаш авылында яшәүче Рәшидә Фәйзрахманованы 90 яшьлек юбилее белән котлады. Аңа Россия Федерациясе Президенты Владимир Путинның һәм үзенең Рәхмәт хатларын, бүләк тапшырды.

Арча муниципаль район башлыгы урынбасары Любовь Осина 15 мартта Арча шәһәрендә яшәүче Мәүҗүдә Галимҗанованы 90 яшьлек юбилее белән котлады. Аңа Россия Федерациясе Президенты Владимир Путинның һәм район башлыгы Илшат Нуриевның Рәхмәт хатларын тапшырды.

Якшәмбе көнне районда үзара салым буенча референдум узды. Бу авылларда яшәүчеләр өчен яңалык түгел. Алар аны практикада кулланып кына калмады, нәтиҗәсен күрергә дә өлгерде. Беренче тапкырында 100, 300 сум гына җыйсалар, тора-бара авыл халкы үз теләге белән сумманы арттырды, үзара салым акчасының халыктан җыела торган өлешен хәтта 700-800 сумга җиткергән авыллар да булды.

Район прокуратурасы ай саен хезмәт законнары таләпләре үтәлешенә анализ ясый, хезмәткәрләргә хезмәт хакын вакытында түләү срокларының сакланышына аеруча игътибар бирелә. Хезмәт хакын үзвакытында түләүне тәэмин итмәгән эш бирүчеләр җавапка тартыла.

Байкал фермасында бер сыер өч бозау тудырган. Шундый көр, матурлар — күз тимәсен! “Исән–сау үстерсәм, җитәкчебез берсен үземә бирергә вәгъдә итте”, – ди сыер савучы Нурания Фәйзиева.

Буа шәһәрендә узган турнирда Җәүдәт Хәсәнов җитәкчелегендәге баскетболчы кызларыбыз чираттагы җиңүләрен яулап кайтты. 5 район командасы катнашында узган әлеге бәйгедә безнең кызлар, оста уен күрсәтеп, барлык көндәшләрен бирелергә мәҗбүр итте

Узган шимбәдә “Арча Арена” Боз сараенда ветераннар командалары арасында хоккей ярышлары үткәрелде. Бәйгедә катнашучыларны район башкарма комитеты җитәкчесе урынбасары Рамил Гарифҗанов, хоккей федерациясе җитәкчесе Рөстәм Хәйруллин тәбрикләде.

Анда Лесхоз мәктәбеннән 10 сыйныф укучылары да катнашты