ЯҢАЛЫКЛАР

ЮХИДИ хезмәткәрләре тарафыннан контроль көчәюгә, штрафларның артуына да карамастан, юл һәлакәтләре саны кимеми. Район юлларында да алар сизелерлек артты. Бу хакта төгәлрәк мәгълүмат алу өчен без ЮХИДИнең Арча бүлекчәсе җитәкчесе, полиция подполковнигы Габделхак Касыймовка мөрәҗәгать иттек.

ТАТАРСТАН Президенты Рөстәм Миңнеханов Ураза һәм Корбан бәйрәмнәрен үткәрү көннәрен билгеләү турындагы Указга кул куйды. 2013 елда Ураза бәйрәме — 8 августка, Корбан бәйрәме 15 октябрьгә туры килә.

Җәйге Универсиада уеннары тәмам. Россия җыелма командасы 155 алтын, 75 көмеш һәм 62 бронза медаль яулады.
XXVII Бөтендөнья Җәйге Универсиада уеннарының ябылу тантанасын спорт сөюче тамашачылар үзгә бер дулкынлану белән көтте.

Соңгы елларда юлларга игътибар артты. Кечкенә авылларга илтүче юлларга да асфальт түшәлүе – моның ачык мисалы. “Татавтодор” акционерлык җәмгыятенең Арча филиалы җитәкчесе Альберт Сафиев белән шул турыда сөйләштек.

Көтеп алган җәйге яңгырлар хәвеф–хәтәр дә алып килә. 6 июльдә көчле җил Арча шәһәрендә шактый түбәләрне туздырып ташлады, агачларны аударды.

— Юл тыкрыгы урамында бер йортны яшен суккан дигән хәбәр алдык, — ди Арча янгын гарни- зоны җитәкчесе Мәсхүт Шәрәфиев. — Ләкин барып җиткәч бернинди ут–мазар күрмәдек. Давыл сарай, гараж түбәләрен алып ташлаган, йортның морҗа башын җимереп төшергән. Шуннан төшкән тузан, корым өй өчен тутырган, хуҗалар өй яна дип уйлаганнар.

Ниһаять, ул көн килеп җитте! 166 илдән килгән катнашучы, 25000 волонтер, 12000 спортчы һәм күпсанлы кунаклар белән Казанда Универсиада 2013 ачылды. 27 төрдәге спорт уеннары өчен 64 спорт корылмасы һәм биналар әзерләнгән, шуларның 38сы яңа төзелгән.

Бөтен дөнья халкын үзенә җыячак Универсиада уеннары башланырга санаулы көннәр калып бара. Июльнең 6сыннан 17сенә кадәр 12 көн барачак уеннарга мәркәзебез 26 июньдә үк катнашучыларны кабул итә башлады, бүгенге көндә 35 илдән катнашучы командалар килгән инде.

30 июньдә Киров өлкәсе Нократ Аланында милли бәйрәмебез Сабантуй гөрләп узды.
Районыбыздан Арча муниципаль район башлыгы урынбасары Любовь Осина җитәкчелегендә үзешчән сәнгать осталарыннан, спортчыларыбыздан торган делегация барды. Сабантуй иртәсе матур булды, халык та рәхәтләнеп ял итте.

Ел да 3 июльдә ЮХИДИ хезмәткәрләре һөнәри бәйрәмнәрен билгеләп үтә. Бу көн башкарылган эшләр, ирешкән уңышларны барлау һәм, монысын һич онытырга ярамый, хезмәт алдынгыларын мактап китү өчен иң уңай вакыт.

Рәиф абый белән кырык ел инде танышлар икәнбез. Ул 1973 елда районга баш агроном булып кайтты, минем дә редакциядә эшли башлаган ел бу. Аны күпмедер вакыттан соң иң зур хуҗалык — Жданов исемендәге колхозга рәис итеп җибәрделәр. Матур гына итеп эшләде ул, район, республика күләмендә җиңүләр яуладылар.