ЯҢАЛЫКЛАР
Шәһәр һәм авылларның велосипедта йөрергә яратучылары кичке 9да Арча үзәгеннән 10 чакрымлык сәяхәткә кузгалды. Ә сәяхәтләре гади түгел — Арчаның гына түгел, Иске шәһәрнең дә тарихи урыннарында булып, үткәннәрнең кайтавазы белән танышу максатыннан оештырылган.
20 майда “Арча” спорткомплексында 2003 елгы һәм аннан яшьрәк егетләр арасында Бөек Җиңүнең 72 еллыгына багышлап, Арча районы беренчелегенә көрәш ярышлары узды.
Татарстан Республикасында гражданнарның мөһим һәм социаль әһәмияткә ия булган проблемаларын хәл итүгә юнәлдерелгән “Халык контроле” дәүләт мәгълүмат системасы эшли. Системада күп юнәлешләр буенча махсуслаштырылган бүлекләр бар.
Чабаксарда “Гармун–күңелем минем” дигән Бөтенроссия фестиваль–бәйгесе үтте.
19 нчы май көнне Арча 1 нче балалар бакчасында мәктәпкәчә яшьтәге балалар арасында “Яшь полиглот – 2017” районкүләм бәйгесе булып узды. Бу бәйге балаларны Татарстан Республикасының ике дәүләт теленә һәм шулай ук инглиз теленә өйрәтү сыйфатын арттыру максатыннан оештырылды.
17 нче май көнне Арчаның 5 нче номерлы балалар бакчасында 4 нче “Каблучок” бию конкурсы булып узды.
18 май көнне Кырлайдагы Тукай музее бинасында "ТатАрча кичләре" проекты кысаларында "Акыл-баттл" интеллектуаль уены булып узды. Бүгенге ярышта Яңа Кырлай, Яңа Кишет, Ташкичү һәм Өчиле мәктәпләре укучылары үз белемнәрен сынадылар... Барлык кунаклар башта музейда экскурсиядә булдылар, бу вакытта да үзләренә бик күп файдалы мәгълүматлар туплый алдылар һәм бәйге башланып та китте. Барлык катнашучыларны сәламләп аны Арча муниципаль районы “Мәгариф идарәсе” начальнигының тәрбия эшләре буенча урынбасары Шакирова Миләүшә Ниязовна ачып җибәрде.
17 майда Арча район авыл хуҗалыгы һәм азык–төлек идарәсе җитәкчесе Ренат Гатиятов, “Бердәм Россия” партиясе Арча җирле бүлеге башкарма комитетының баш белгече Зөфәр Нәҗметдинов язгы кыр эшләрендә яхшы күрсәткечләргә ирешкәннәре өчен “Курса МТСы” ширкәте механизаторы Динар Шакировка, “Ак барс” агрокомплексы” ширкәте тракторчысы Фидаил Фатыйховка, “Казанка” ширкәте тракторчысы Ингел Шәриповка, “Лотфуллин Р.З.” ширкәте тракторчысы Илдус Саттаровка, “Габбасов А.А.” крестьян–фермер хуҗалыгы тракторчысы Айрат Шаһидуллинга “Бердәм Россия” партиясе җирле бүлеге секретаре Илшат Нуриевның Рәхмәт хатларын, вымпеллар һәм акчалата бүләкләр тапшырдылар.
Кешелек дөньясы гомер-гомергә чишмәләргә игътибарлы булган. Аларны чистарту, төзекләндерү һәм тәрбияләп тору изге эш, әҗер-савап саналган. Чишмә — Аллаһы Тәгалә биргән зур нигъмәт, чиста су — тормыш чыганагы. Аны чистарту, кешегә су алу өчен уңайлы итү – зур савап.
Кышкы каникул вакыты. Арча стадионында мәктәп укучылары арасында чаңгы ярышы бара. Шунда Яңа Кенәр мәктәбе физкультура укытучысы Равил Әгъләмовның ничек итеп балалар өчен янып-көеп йөрүенә игътибар иткән идек. Балаларны ярышка озатып кала, финишка җитәрәк: “Әйдә, әйдә, тизрәк!“ – дип көч-куәт биреп, йөгерә-атлый каршы ала.