ЯҢАЛЫКЛАР
Атказанган ватандашларыбызны, Социалистик Хезмәт Геройларын барлау зур хөрмәт һәм игътибар дигән сүз. 9 нчы декабрьдә Арча муниципаль районы башкарма комитеты урынбасары Рамиль Илгиз улы Гарифҗанов, Халыкны Социаль яклау бүлеге җитәкчесе Ильдус Коттус улы Әһлиев һәм Апаз авыл җирлеге башлыгы Ренат Шамил улы Садыков Мирҗәм авылында гомер итүче Социалистик Хезмәт Герое Дания Хадиҗан кызы Галимовада булдылар.
Мөмкинлекләре чикләнгән кешеләр өчен инвалидлар ункөнлегендә күп төрле чаралар үткәрелде: мәдәни-массакүләм чаралар, конкурслар, бәйрәм концертлары, музейга экскурсия һәм спорт ярышлары. Очрашуларның күбесендә Арча районы инвалидлар җәмгыяте һәм ветераннар Советы әгъзәләре катнашты.
2016 нчы елның 8 декабрендә Арча районы инвалидлары җәмәгать эшлеклесе, спикер “Дөнья Гүзәле -2013“ титулына ия булган Ксения Безуглова белән очрашуга бардылар.
Мирҗәмдә яшәүче Бибигатифә Мусинага 95 яшь тулды. Әбекәйне бәйрәм белән котларга, район башлыгының, РФ Президентының Рәхмәт һәм котлау хатларын тапшырырга Арча муниципаль район башлыгы урынбасары Любовь Осина, район социаль яклау бүлеге җитәкчесе Илдус Әһлиев килде.
9 декабрь — Халыкара коррупциягә каршы көрәш көне. Әлеге уңайдан Арчада яшьләр белән төрле чаралар уза.
Районда бүгенге көндә иң тотрыклы эшләүче предприятиеләрнең берсе — “Металл” ширкәте. Аны Югары Әзәк авылында туып–үскән Фәнил Гарәфиев оештырды. Гаять кешелекле, киң күңелле, һәрвакыт ярдәм кулы сузарга әзер торганы өчен хөрмәт итәләр, яраталар иде бу шәхесне.
9 декабрь Россиядә Ватан Геройлары көне буларак билгеләп үтелә. Шул уңайдан безнең районга Мәскәүдән Советлар Союзы Герое, очучы–космонавт (71нче космонавт, югары исемгә 1991 елда лаек була), полковник Анатолий Арцебарский, Россия Герое (бу исем Чечня сугышында күрсәткән батырлыгы өчен бирелә), полковник Дмитрий Сафин килде.
Районыбыз талантларга бай. Соңгы дистә елларда халкыбызның җыр–моңга һәвәсләнеп китүе дә күңелне сөендерә.
Инвалидлар ункөнлеге уңаеннан төрле чаралар үткәрү матур традициягә әверелеп китте.
Тик изгелек бер көндә яки ункөнлектә генә түгел, даими эшләнә торган әйбер. Шуңа аның вакыты да чикле түгел. Ә кечкенә вакытта ук балаларда изгелек тәрбияләнсә, алар үскәч тә шәфкатьлелек, мәрхәмәтлелек сыйфатларын югалтмаячак. Менә шуларны күздә тотып тәрбиялиләр дә инде балалар бакчаларында малайлар һәм кызларны.
Шушмабашта депутат белән очрашу җыелышында бер агай сүз алып, ник авыл кешесен мыскыл итәләр, күпме хезмәт куеп үстергән үгезеңне дә үзең суеп сата алмыйсың, Казанбашка алып барсаң ярты үгезең китә, дигән иде.