ЯҢАЛЫКЛАР
Казанда Авыл хуҗалыгы һәм азык–төлек министрлыгы призына үткәрелгән авыл батырлары бәйгесе тәмамланды. Бу ярышлар быел егерменче тапкыр оештырылган. Анда 55 командадан 355 көрәшче чыгыш ясаган. Иң сөенечлесе – безнең арчалылар дүртенче урынны яулады.
Арча шәһәре башкарма комитеты җитәкчесе Рөстәм Касыймов, “Арча АТПсы” җәмгыяте директоры Рүзәл Гәрәев белән элеккеге юл идарәсе янындагы тукталышта автобус көтәбез.
Арча педагогика көллиятендә Гариф Ахунов тууына 90 ел тулуга багышланган республика күләмендәге фәнни-гамәли конференция булды. Анда район башлыгы урынбасары Любовь Осина катнашты.
Яңа Кырлайда үткән зур ат чабышларыннан соң, Арчада яшәүче, ярышларда гел беренче, икенче урыннарны алучы атчы Рамил Рәхмәтуллинны күреп сөйләшәсе килгән иде. Беләсе иде, 40 километрга, 80 километрга чапкан атларга, бу төр спортка кызыктымы икән ул?
Үткән якшәмбедә Арча стадионында республика күләмендәге чаңгычылар ярышы булды. Анда Казан, Яшел Үзән, Чабаксар, Мари Иле, Киров өлкәсе, Әтнә, Кукмара, Балтач, Сабадан барысы 118 спортчы катнашты. Спортчыларны район башкарма комитеты җитәкчесенең социаль мәсьәләләр буенча урынбасары Рамил Гарифҗанов сәламләде һәм уңышлар теләде.
Яшь чагында Маһинур апаның олыгайган көнемдә шундый рәхәттә, кадер-хөрмәттә яшәрмен, урыным һәрчак түрдә булыр, дип уйлаганы булдымы икән? Хәер, дөрес сорау куймадым, бугай. Аның турында кем генә хыялланмый. Тик бар кешегә дә эләкми андый матур тормыш. Ә менә Маһинур апа ул яктан уңган, балалары, кияү-киленнәре бик яхшы булган, хәзер менә оныклары, оныкчыклары әби, дип өзелеп тора.
21 октябрьдә Биектау районында терлекчелектә 9 айлык эш йомгакларына багышланган зона семинар-киңәшмәсе булды. Анда авыл хуҗалыгы һәм азык-төлек идарәсе җитәкчесе Айдар Габбасов җитәкчелегендә безнең район вәкилләре дә катнашты.