ЯҢАЛЫКЛАР

2014 елның 10 гыйнварыннан “Үтәтү производствосы турында”гы Федераль законга үзгәрешләр керде. Шуларның берсе — үтәтү җыенының минималь күләме турында. Бу турыда тулырак мәгълүмат алу өчен Арча районара суд приставлары җитәкчесе Фоат АБДУЛЛИНГА мөрәҗәгать иттек.

Арчаның 1нче мәктәбе һәм Лесхоз мәктәбендә балалар хәрәкәте үсеше мәсьәләләре буенча ТР Мәгариф һәм фән министрлыгы оештырган республика күләмендәге семинар–киңәшмә булды. Анда министрлыкның балаларга тәрбия һәм өстәмә белем бирү бүлеге җитәкчесе Эльвира Сафина катнашты.

Бу көннәрдә Сочидагы Олимпиаданы күзәтеп баручылар фигуралы шуу буенча команда турнирында җиңү яулап таң калдырган 15 яшьлек Юлия Липницкая турында сөйләшә. Журналистлар яшь талантка кагылышлы бар нечкәлекләрне ачыкларга тырыша. Бу бик табигый хәл. Телевизор экраннары аша иң якын кешебезгә, горурлыгыбызга әверелгән кыз бала белән ничек кызыксынмыйсың инде!

12 февральдә Арча хәрби комиссариатында телекүпер аша 2013 елның ноябрендә хәрби хезмәткә алынган Каратай авылыннан Руслан Вәлиуллин әнисе Римма һәм энесе Рүзәл белән аралашты.

Узган атнада Арчаны гына түгел, Казанны да “Пошалым чаналары—2014” фестивале гөрләтте. Быел бишенче тапкыр уздырылуы өстенә, үзенең 10 еллык юбилеен да билгеләп үтте фестиваль.

“Россия чаңгы юлы—2014” Бөтенроссия массакүләм чаңгы ярышларыннан, елдагыча, арчалылар да читтә калмады. Быел ул аеруча үзенчәлекле—Сочида Олимпия уеннары барган көннәргә туры килде. Чаңгы спорты белән дус булган һәркем Арча стадионына ярышка төште.

Арча станциясендәге күп функцияле мәдәни–спорт үзәге турында соңгы вакытта күп языла. Кайбер районкүләм чаралар да биредә үткәрелә. Шунысы да игътибарга лаек, һәрберсенә халык яратып йөри, тамашачыларның җылы карашы, көчле кул чабуы үзешчәннәрне дә үсендереп җибәрә.

1944 елның 11 февралендә Төбәк–Чокырча авылы басуына ике самолет егылып төшә. Бер самолетның бер генә очучысы исән калып, калганнары һәлак була. Соңрак ачыкланганча, самолетларның берсе Сарай–Чокырча авылы янына, икенчесе Биектау районына төшә. Алар барысы 13кә җыелып, 16 кеше һәлак була.

Әлеге язма Иске Чүриле авыл җирлегендә хисапчы булып эшләүче әнием Динә Хөснетдинованың бертуган энесе Азат Хисамиев турында. Беренче апрель көнне туган ул. Бөтен җирдә су, ташу. 18 яшь тулуга ук Азатны хәрби комиссариатка чакыралар һәм кулына повестка тоттырып кайтаралар. Иртәгә — армия хезмәтенә.

Шушы көннәрдә Әфганстанда хезмәт иткән өч ир–егет белән очраштым. Аларның өчесе дә тормышта үз урынын тапкан, өйләнгәннәр, балалар үстерәләр, яраткан хезмәтләре бар. Шурабаш авылында яшәүче Валентин Антипов, Яңа Ашыттан Илсур Нигъмәтҗанов, Яңа Кенәрдән Рашат Салихҗанов һәм тагын Арча районыннан 129 егетнең язмышында уртаклык бар — Әфганстан.