ЯҢАЛЫКЛАР

Узган шимбәдә Арча эчке эшләр бүлегенең ЮХИДИ бүлекчәсе хезмәткәрләре белән без дә төнге рейдка чыктык.

Кайбер предприятиеләр хезмәт хакын вакытында түләми. Район прокуратурасы җаваплылыгы чикләнгән “Сигнал” агрофирмасы” ширкәтендә хезмәт законнары таләпләре үтәлешен тикшерде.

Россия Конституциясе нигезендә һәркем дәүләт органнарына һәм җирле үзидарә органнарына гариза, шикаять һәм тәкъдимнәр белән мөрәҗәгать итәргә хокуклы.

Анда тиешсез урында сәүдә итүчегә төзелгән беркетмә каралды. Гаеплегә 500 сум штраф түләргә туры киләчәк.

Соңгы елларда “Северный” хуҗалыгына зур сынаулар үтәргә туры килде. Әмма гади халык үз эшен эшли инде ул. Аңа хезмәтенә күрә тиешлесен түлә генә. Хуҗалык җитәкчесе Рөстәм Хәйруллин хисап җыелышында узган ел хезмәт хакының 84 проценты акчалата түләнүен билгеләп үтте.

Арча һәм Әтнә районнары буенча Пенсия фонды идарәсе эшенә нәтиҗә ясалды. Киңәшмәдә Россия Пенсия фондының Татарстан Республикасы буенча бүлекчә җитәкчесе киңәшчесе Любовь Мишина катнашты.

5 февральдә Арча муниципаль районында кече һәм урта бизнесның үсеш йомгакларына, 2014 елдагы бурычларга багышланган киңәшмә булды. Анда Татарстан Республикасы Президенты каршында эшмәкәрләр хокуклары буенча вәкилнең кабул итү бүлмәсе вәкиле, эшмәкәрлеккә ярдәм үзәге вәкиллеге җитәкчесе, фермерлар һәм крестьян хуҗалыклары ассоциациясе рәисе, бизнес җәмәгатьчелеге вәкилләре, район территориясендә контрольлек һәм күзәтчелек итүче дәүләт органнары вәкилләре катнашты.

Узган атнада Габдулла Тукай исемендәге Арча педагогика көллиятендә “Белем һәм тәрбия бирү мәйданында татар теле: традицияләр һәм новаторлык” дигән темага багышланган республикакүләм семинар үтте. Анда 23 районнан мәктәп директорлары, татар теле һәм әдәбияты укытучылары, районнардагы милли кадрлар әзерләү үзәге белән элемтәдә торучы белгечләр, мәктәпкәчә белем бирү учреждениеләре тәрбиячеләре, мәгарифне үстерү институты хезмәткәрләре катнашты.

Почта хезмәткәрләренең хезмәт хакы 2014 елның беренче гыйнварыннан 18 процентка артты, дип белдерде Татарстан почтасы җитәкчесе урынбасары Резеда Сабирова 4 февральдә Казан арты тарих–этнография музеенда үткән Арча районара почта хезмәткәрләре хисап җыелышында.

Утар Атыдан Фәнис Мостафин үзенчәлекле шәхес. Берәүләр акча юклыктан зарланганда, икенчеләре кешегә ярдәм күрсәтү өчен соңгы тиенен дә чыгарып бирергә мөмкин. Фәнис нәкъ менә шундыйлар рәтендә. Мин аның белән беренче тапкыр урманчы булып эшләгән вакытында очраштым. Аннан инде “Җырлы гаилә”, “Игезәкләр” бәйгеләрендә гаиләсе белән таныштым. Шунда аның нинди бала җанлы әти булуына игътибар иткән идем. Хәзер ул фермер һәм мәктәп укучыларына кулыннан килгәнчә ярдәм итәргә әзер булган хәйрияче. Характеры да үзенчәлекле—кызу канлы, тәвәккәл, кешелекле, шул ук вакытта йомшак күңелле һәм изге йөрәкле.