ЯҢАЛЫКЛАР

Бездәге туфрак ашлама кертмәгәндә гектардан 11–12 центнердан артык уңыш бирә алмый.

Гыйнвар пенсиясен декабрьдә алдык
Яңа ел алдыннан пенсионерларга көтелмәгән күңелле хәл булды. Декабрь пенсияләрен алып озак та үтмәде, яңадан аларга шул ук күләмдә акча күчте.
— Банкоматтан акча алыйм дип барсам, ни күрим, икеләтә пенсия акчасы күчкән, — дип сөйли Дания ханым (фамилиясен әйтмәүне үтенде). — Нинди акча икән бу дип бик аптырадым. Кызым Интернетка кереп карады, янәсе, пенсия фондында артык акча булган, шуны пенсионерларга бүлеп биргәннәр. Ышанасы килми, әмма күңелдә өмет бар. Нинди акча бу — шуны аңлатып язсагыз иде.

Узган ел редакциягә барысы 600дән артык хат килде. Бу 2012 ел белән чагыштырганда ике тапкырга күбрәк. Редакциягә хат юллаган газета укучыларыбызга бик зур рәхмәт.

2013 ел безнең күңелләрдә Табигать һәм әйләнә–тирә мохитне саклау елы буларак истә калачак.

Иске Кырлайда яшәүче Әминә Низаметдинованы күптәннән беләм. Кызы Мәрьям белән бер сыйныфта укыдык. Өйләрендә дә еш була идек. Аның якты чырай белән каршы алуы, безнең белән балаларча, якын итеп сөйләшүе, тәмле ризыклар белән сыйлавы әле дә хәтердә. Һәм менә ул ак әби, якты әби, матур әби, 7 бала анасы, 17 оныкның дәү әнисе, 7 оныкчыкның әбисе сәхнә түрендә. Иске Кырлай мәдәният йорты сәхнәсендә үткәрелгән “Сез иң бөек яшәү чыганагы” дигән кичә Әминә ханымга багышланды.

Арча Мәдәният йортында Татарстан Республикасы Әлки районыннан килгән “Әфганстаннан Чечняга кадәр” вокаль–инструменталь ансамбле чыгыш ясады.

Хокук бозулар һәм җинаятьләрне профилактикалау максатыннан Россия Эчке эшләр министрлыгының Арча районы буенча эчке эшләр бүлеге хезмәткәрләре җәмәгатьчелек тәртибен саклау буенча даими рәвештә рейдлар үткәрә. Узган шимбәдә шундый рейдларның берсендә безгә дә катнашырга туры килде.

Түбән Мәтәскә мәктәбендә “Кыш көне кошларны ашатыйк!” акциясе кысаларында “Иң яхшы җимлек” конкурсы үткәрелде.

Республикада быел 27 төрле программа тормышка ашырыла.
Районда 2014 елда социаль ипотека программасы буенча алып барылачак төзелешләр турында газетабызның узган санында язган идек. Башка төр төзү һәм төзекләндерү планнары да зурдан.

Бәйрәмнәрне, аеруча Яңа елны, без ризыклар белән сыгылып торган өстәл артында, җыр–биюләр белән каршы алырга күнеккән. Чыннан да, нигә күңел ачмаска, тормыш рәхәт, дөнья киң. Өстәвенә, гыйнвар башында укучыларга гына түгел, өлкәннәргә дә тулы бер атна каникул бирелә. Тик бу көннәрдә дә кемгә бәйрәм, кемгә эш. Биредә сүз безнең тынычлыгыбыз, иминлегебез сагында торучылар, полиция, ЮХИДИ, үзәк хастаханәнең ашыгыч ярдәм күрсәтү бүлекчәләре, янгын күзәтчелеге бүлеге хезмәткәрләре турында бара. Алар күзлегеннән Яңа ел бәйрәме, озакка сузылган каникуллар ничек үткән?