ЯҢАЛЫКЛАР

Күптән түгел Яр Чаллы бала тудыру йортында балалар алмашыну вакыйгасын ишетеп хәйраннар калдык. Моңа кадәр Андрей Малахов алып барган “Әйдә, сөйләсеннәр” телетапшыруыннан гына мондый җанөшеткеч вакыйгалар турында ишеткән бар иде. Ә монысы бөтенләй янәшәбездә, туган Татарстаныбызда. Бала тудыру йортына ышанып баралар, лабаса.

Беркөн кичке 9дан соң Арча үзәгеннән үтәргә туры килде. Нәкъ зур шәһәрләрдәге кебек бу вакытта монда тормыш башлана гына икән әле. Ул машина артыннан машина, яныңнан әле берсе, әле икенчесе сызгырып кына үтеп китә, көчле музыка тавышыннан туктап торганнары да дер селкенә. Бу вакытта яшүсмерләрнең нәрсә эшләп йөргәнен кем белә. Шуңа узган шимбәдә кызыксынып ЮХИДИ хезмәткәрләре белән төнге рейдка чыктым.

5нче районара салым инспекциясенең Арчадагы бүлекчәсе өлкән дәүләт салым инспекторы Лилия Рамазанова Арчаның 2нче мәктәбендә югары сыйныф укучылары белән дәрес үткәрде.

Бу көн Сарай–Чокырчадан Рафис Әмиров белән Сәрдәбаштан Илдар Степанов өчен икеләтә истәлекле булды. Арча бала тудыру йортына сабыйларын алырга килгән бәхетле әтиләрне ЮХИДИ идарәсенең Арча бүлекчәсе хезмәткәрләре каршы алды һәм гаиләгә машинада баланы утыртып йөрү өчен махсус җайланма бүләк итте.

Соңгы елларда шәхси хуҗалыкларның күбесе бәрәңгедән мул уңыш ала алмый. Икенче икмәккә элегрәк төрле авырулар, корткычлар зыян салса, тикшеренүләрдән күренгәнчә, хәзер күпчелек бакчалар тагын да хәтәррәк авыру — нематода чире белән зарарланган. Аның белән ничек көрәшү турында язып чыккан идек инде. Бу чиргә фитофтороз, ризоктониоз, парша, альтернариоз кебек авыруларны да өстәсәк, бәрәңге үстерүнең никадәр көч таләп итүен күзаллап була. Ләкин, төшенкелеккә бирелеп, кул селтәргә ярамый. Һәр казаның үз дәвасы бар.

16 ноябрь ел да Бөтендөнья толерантлык көне буларак билгеләп үтелә. Бу көнне балалар бакчаларында, мәктәпләрдә шушы темага бәйле сөйләшүләр алып барыла. Арчаның 1нче мәктәбендә шундый рухта түгәрәк өстәл артында аралашуда район башкарма комитеты җитәкчесе урынбасары Надия Мифтахетдинова, террорчылык һәм экстремизмга каршы көрәш комиссиясе сәркатибе Дамир Абдуллин, Раил хәзрәт Гыйләҗев, Василиск атакай да катнашты.

20 ноябрь—Бөтендөнья бала хокукларын яклау көнендә Арчаның бишенче гимназиясендә тарих укытучылары Гөлнара Әхмәтханова һәм Илнур Җәләев “Яшүсмер һәм закон” дигән түгәрәк өстәл утырышы үткәрде.

Күңел чишмәсе ургылып ага
27 ноябрьдә Арча Үзәк китапханәсендә Роза Шәйхетдинованың “Күңелем чишмәсе” дип аталган шигырьләр җыентыгын тәкъдир итү кичәсе узды. Китапханәнең өлкәннәргә хезмәт күрсәтү бүлеге мөдире Әлфия Галимова оештырган әлеге иҗат кичәсенә тиң кичәдән Роза апаның дуслары, якыннары, “Яшәү яме” клубына йөрүче каләмдәшләре, Түбән Мәтәскә мәктәбе укучылары озакка җитәрлек рухи азык туплап китте.

Бу көннәрдә Казанбаш авылында өмәләр булды. Авыл халкы бергәләшеп зиратны чис-тартты, картайган агачларны кисте, сынган ботакларны яндырды. Зөлфәт Шакирҗанов идеясе белән башланган изге эш үз эченә җирләү кирәк–яраклары саклый торган йорт төзүне дә алды. Ул зиратка читтән туганнарын алып кайтып җирләү-челәрнең сәдака һәм авыл халкыннан җыелган акчага эшләнде.

Гражданнарның торак шартларын яхшырту буенча төрле программалар бар. Район башкарма комитеты белгече Булат Мортазин белән әңгәмәбез шуларның берсе — инвалидларның һәм инвалид балалары булган гаиләләрнең торак шартларын яхшырту турында.