ЯҢАЛЫКЛАР

Республикада милли мәгарифне үстерү сәясәте бара. Мәктәпләрдә ана телендә укыту сыйныфлары булдыру, тарихны, йолаларны, гореф-гадәтләрне өйрәнү, аларны тормышта куллану – болар бар да милләтне саклап калуга юнәлдерелгән чаралар.

Арча ЗУЭСының (“Таттелеком”) Арча өлкәннәр һәм инвалидлар йортына хәйриячелек белән беренче генә килүләре. Коллективның районда башкарган изге эшләре санап бетергесез булса да, әлеге йорт нигәдер читтәрәк калган. Халыкара хатын-кызлар көне уңаеннан, “Таттелеком”ның генераль директоры Лотфулла Шәфигуллин биредә өлкәннәр өчен бәйрәм ясау нияте белән уртаклашкач, Арча ЗУЭСы җитәкчесе Рафил Хисамиев бу идеяне хуплап ала.

Саба районында “Ел укытучысы” республикакүләм конкурсы кысаларында үткәрелгән “Йөрәгемне балаларга бирәм” исеме астында өстәмә белем бирү педагогларының һөнәри осталыкларын билгеләү буенча республика конкурсының зона этабы узды.

13 мартта “Үлем белән кайда сату итүләре турында хәбәр ит” Бөтенроссия наркотикларга каршы көрәш акциясенең 1нче этабы башланып китте. Ул 24 мартка кадәр дәвам итәчәк. Акция җәмәгатьчелекне законсыз рәвештә наркотиклар әйләнешендә катнашырга тарту һәм аларны медицина өлкәсендә булмаган юнәлешләрдә куллануга каршы профилактика, наркотикларга бәйле кешеләргә консультация бирү, дәвалау һәм тернәкләндерү буенча квалификацияле ярдәм күрсәтү максатларына юнәлдерелгән.

Һава торышы кинәт җылыну сәбәпле Арчаның янгын саклау гарнизоны язгы ташу вакытында куркынычсызлык кагыйдәләрен үтәвегезне сорый. Мондый вакытта елгалардагы боз юкара, аны астан су агымы юкартса, өске яктан кояш һәм эрегән кар сулары ашый.

2017 нче елның 6 нчы  марттынан 11 нчы  мартына кадэр Тула өлкәсенең Алексино шәһәрендә терәк-хәрәкәт системасына зыян килүчеләр арасында бочче буенча Рәсәй чемпионаты булып узды. Чемпионатта Татарстан җыелма командасы исәбендә Арча укуылар Сараеннан Шәрәфетдинов Рамил катнашты. 

Район Мәдәният йортында булып үткән “Авылым күрке – яшь гаилә” йомгаклау бәйгесендә “Гашыйклар күп җирдә, тик барыбер, булмас кебек безнең кебекләр...” дигән сүзләр яңгырады.

Белгечләр быелгы кышны бик әйбәт килде, дип бәяли.

Район башлыгы Илшат Нуриев көрәш тренерлары һәм көрәшчеләр белән очрашты. Түгәрәк өстәл артында көрәшне үстерү, борчыган мәсьәләләр һәм районны республикада алга чыгару турында сөйләштеләр. Сөйләшү барышында Илшат Нуриев: “Эшли генә башлаган вакыт иде, Рөстәм Миңнеханов, кайда синең көрәшчеләрең, дип сорады”, – диде.

Март башында Ленинград өлкәсенең Тосно җирлегендә Арча мәдәнияте көннәре үткәрелде. Анда Арчадан район башкарма комитеты җитәкчесе урынбасары Рамил Гарифҗанов җитәкчелегендәге егерме тугыз кешелек делегация катнашты.