ЯҢАЛЫКЛАР

2015 елның 3 ноябрендә җәмәгать суды Фәнис Шакирҗановның җинаять эшен карады. Ул балигъ булмаган баласын тотуга алимент түләүдән явызларча читләшүдә гаепле дип табылды.

Комсомол урамында яшәүче тыл ветераны Әлфия Гыйбадуллина шатлыгын уртаклашырга, дип редакциягә килгән. “Иске барак шикелле йортта яшим мин. Фатир сорап йөрдем. Булмады. Әмма игътибарсыз калдырмадылар, ярдәм кулы суздылар.

Кичә районның террорга каршы көрәш комиссиясенең киңәйтелгән утырышы узды. Аны комиссия рәисе, район башлыгы Илшат Нуриев алып барды.

Бочче безнең районда ике ел элек кенә барлыкка килде. Гомерен спортка, дөресрәге, балаларны спорт белән тәрбияләүгә багышлаган, бик күп җиңүчеләр әзерләгән, туризмны югары дәрәҗәгә күтәргән Фәрит Минхәиров тырышлыгы белән оешты ул. Моның өчен кешеләрне ярату, зур йөрәкле булу кирәктер.

Татарстан Республикасы Авыл хуҗалыгы һәм азык-төлек министрлыгы республика авыл хуҗалыгы музеен төзүгә кереште. Музей бинасының эчке ягын, бизәлешен эшләү, шулай ук авыл хуҗалыгы үсеше этаплары турында материаллар җыю башланды.

Руслан Фәритов 1990 елның 29 маенда Казахстанның Караганда өлкәсендә туган. Новгород өлкәсенең Окуловка шәһәрендәге балалар йортында тәрбияләнә. Бик яшьтән җинаять юлына баса. Кеше үтерергә омтылганы, кеше әйбере урлаганы, автомобиль куып алып киткәне һ.б. өчен хөкем ителә. Характеристикасында яшертен, хәйләкәр, алдакчы дип бәяләнә.

Районның фермер хуҗалыклары ассоциациясе җитәкчесе Марсель Хәлиловның сүзләре йөрәккә май булып ята һәм шул ук вакытта уйга да сала.

— Җитәкчеләрдән күпме сөт саудың, күпме уңыш алдың дип түгел, ә кешеләрнең тормыш хәлен күпмегә яхшырта алдың дип сорарга кирәк, — ди ул. — Кешене үзеңне яраткан кебек яратырга, хөрмәт итәргә кирәк. Бездә бит җитәкчелек алымнары күбрәк кешене мыскыл итүгә корылган, тиешле хезмәт хакы түләмәүне ничек аңларга? Авылларны кешесез калдырабыз бит.

Бездә үз фикере булган кешене гадәттә өнәп бетермиләр: “Ә үзең нәрсә эшләдең?” — янәсе.

Шушы көннәрдә авыл мәдәният хезмәткәрләренә аттестация үткәрелде. Алар үзләренең быел башкарган эшләренә хисап тоттылар.

Ә аңарчы кичләрен район мәдәният идарәсе һәм йорты хезмәткәрләре авыллардагы мәдәният учакларының эше белән танышып чыккан булганнар. Тикшерүләр артыннан ук аноним шикаятьләр килә башлаган. Бездә бит һәрвакыт шулай, эшләмәү ярый, ә менә синең эшләмәгәнеңне күреп алсалар...

Яңа Кенәр мәдәният йорты һәм Арча станциясендәге күпфункцияле мәдәният үзәгендә үткән җыелышта нәкъ менә шул хакта сүз барды. Анда район башлыгы урынбасары Любовь Осина, район башкарма комитеты җитәкчесе урынбасары Рамил Гарифҗанов, район мәдәният идарәсе җитәкчесе Рамил Мөхетдинов, авыл җирлекләре башлыклары, мәдәният хезмәткәрләре катнашты.

Соңгы вакытта телефон аша алдау очраклары ешайды. Гражданнарны алдалауның төрле схемаларын кулланалар.

Алдакчы телефоннан шалтыратып сезнең улыгыз, кызыгыз, туганыгыз яки башка танышыгыз дип әйтә. Ул бәлагә (һәлакәткә эләктем, мине тоткарладылар яки кыйнадылар яки башка вариантлар күп) очравын әйтә, озак сөйләшә алмыйм, чит телефоннан шалтыратам, ди. Аның “проблемасын” хәл итү, шул исәптән хокук саклау органнары хезмәткәрләренә бирү өчен акча кирәк. Акчаны билгеле урынга китерергә яки конкрет счетка күчерергә яки сезнең янга шундый кеше киләчәк. Телефон аша алдашу менә шулайрак бара. 

Районда Өченче буын өлкәннәр университетының хокуклар белеме факультеты эшли башлады. Аның беренче дәресе район үзәк китапханәсенең уку залында үтте. Дәресне районның пенсионерлар берлеге рәисе Сания Камалетдинова алып барды. Очрашуда Татарстан Республикасында Кеше хокуклары буенча вәкаләтле вәкилнең Арча муниципаль районында җәмәгать ярдәмчесе Ринат Һидиятов катнашты.

Ә, беләсезме, кызыклы үтте ул. Күпләрне кызыксындырган торак–коммуналь хезмәтләр турында сөйләштеләр. Сөйләргә һәм сорауларга җавап бирер өчен районның алты оешмасыннан вәкилләр килде. Аларны махсус санап чыгам: районның милек һәм җир мөнәсәбәтләре палатасы җитәкчесе Илһам Сираҗиев, теркәү палатасының баш белгече Лилия Гыйззәтова, торак-коммуналь хезмәтләр секторы баш белгече Айрат Шәйхетдинов, “Жилкомбытсервис” ширкәте юристы Зәринә Спиридонова, “Таттелеком” ширкәтенең сату офисы җитәкчесе Дарья Хәкимова, “Татэнергосбыт” ширкәте баш инженеры Рамил Әхмәтвәлиев.

Сүз озынга китмәсен өчен кем нәрсә сөйләгәнне тәфсилләп язып тормыйм. Дәрестә катнашучыларның уй-фикерләрен беләсе килә.