ЯҢАЛЫКЛАР

Арча инкубаторы, шактый еллар тик торганнан соң, яңадан эшли башлады.
— Быел безнең өчен сынау елы кебегрәк инде, — ди шәхси эшмәкәр Марат Нигъмәтуллин. — Шулай да, 28 мең чеби чыгарырга өлгердек.
Инкубаторның эшчәнлеге белән муниципаль район башлыгы Алмас Назиров та танышты, планнары белән кызыксынды. Предприятиенең эшли башлавы район халкы өчен дә уңай, киләчәктә биредә төрле сроктагы бройлерлар алып булачак.

Муниципаль район башлыгы Алмас Назиров бу көннәрдә әлеге сорауны оешма, предприятие җитәкчеләренә еш бирә. Җаваплар төрле.
Район электр челтәренең элеккеге җитәкчесе Илдус Шиһабетдинов (урыны җәннәттә булсын) тумышы белән Балтачтан иде һәм ул шунда яшәде дә. Менә шушы кеше берничә ел эчендә Арчабызны ямьләндерү, үстерү өчен шундый өлеш кертергә, якты эз калдырырга өлгерде ки, бүген дә аны сагынып сөйләргә, үрнәк итеп куярга туры килә. Аның җитәкчелегендә утыртылган агачлар инде күтәрелеп ,тирә–юньгә ямь биреп тора. Тик коллектив кына матур традицияләрне дәвам итә алмаган, быел хәтта бер генә төп агач та утыртмаганнар, булганнарына да игътибар юк.

“Заман” ширкәте җитәкчесе Илнур Яруллин бик кызыксынучан, тынгысыз кеше. Ул табигатьне бик ярата, Сурнар урманчылыгында эшләгәндә гаять бай музей оештырган иде, ширкәттә дә бар андый музей.

Һәр авылның тырыш, башкаларга үрнәк итеп куярлык кешеләре бар. Шушмабашта да күп андыйлар. Ләкин мини–пекарня булдырып, үз авылларына гына түгел, районыбызның төньяк зонасын, хәтта арчалыларны да тәмле пироглар, авызда эреп китәрлек гөбәдия, чәкчәкләр пешереп тәэмин итүче Нурия һәм Рамазан Вәлиевләр гаиләсе берәү генә.

Апаз мәдәният йортында “Сагынып һәм сөеп, янып-көеп, синең улың кайтты авылына!” исемле зур очрашу булды. РФ Дәүләт Думасы депутаты, фәннәр докторы, профессор, академик, 40лап фәнни хезмәт авторы, РФ Дәүләт премиясе лауреаты, авылдашыбыз Фатыйх Сәүбән улы Сибагатуллин үзенең авылдашларын, укытучыларын сагынып авылга кайтты.

21 майда Арча һәм Әтнә районнары буенча хәрби комиссариат телекүпер аша очрашу үткәрде. Икенче тапкыр. Беренчесендә Саратовта хезмәт иткән якташларыбыз белән элемтәгә керсәләр, бу юлы Краснодар крае, Ейск шәһәрендә урнашкан 32161 номерлы хәрби частьта хезмәт итүче бердәнбер егетебез Рәсим Галимҗанов телекүпер аша әти–әнисе, туганнары белән очрашты.

Казанда үткән “Тере чишмә” халыкара бәйгесендә Арча сәнгать мәктәбенең Нияз Миннемуллин җитәкләгән агачтан кисеп ясау бүлеге укучылары да катнашты. Ранил Хисамиев белән Фәнил Закиров өченче дәрәҗә лауреат, Олар Зохирджанов дипломант булдылар.

Арчада яшәүче Факия Зәкиевага 75 яшь. Гомере буе стоматолог булып эшләп, районда ихтирам казанган табибә, булганына шөкер итеп, азга да сөенә белеп, ваклыкларга исе китмичә, балаларына, оныкларына куанып, тормыш иптәше Ислам ага белән исән–мин яши.

Район авыл хуҗалыгы һәм азык–төлек идарәсенең үсемлекчелек бүлеге җитәкчесе Миннәхмәт Сәгыйтьҗанов, Россия авыл хуҗалыгы үзәге филиалы агрономы Әхмәт Хәкимҗанов белән “Мәрҗани” ширкәтенең арыш басуына баруыбыз.

18 майда Татарстан Республикасында “Бөтенроссия урман утырту көне” акциясе үткәрелә. Бу көнне һәркем агач утыртуда катнаша ала. Ә быел бөтен Россия буйлап акциядә катнашучыларның максаты — Гиннес рекордын кую — бер көндә 10000000 агач утырту! Райондашларыбыз, әйдәгез, без дә бу изге гамәлне кабул итеп, тирә–юнебезне яшелләндерүгә, агачлар утыртуга үз өлешебезне кертик!