ЯҢАЛЫКЛАР

Махсус үзе белән очрашырга район үзәгеннән килүләрен, өстәвенә бу хакта газетада да басылачагын ишеткәч, Николай Варламовның шатлануы, дулкынлануы йөзенә үк чыкты.

Түбән Пошалымда гомер иткән Сибгатулла Насыйбуллин 9 Май парадын аерата көтеп ала. Орден–медальләрне тагып, бөтен халык алдында машинада үтеп китүләре бигрәк тә йөрәкне җилкетә, үткәннәрне искә төшерә.

Узган гасырның туксанынчы елларына кадәр без чит илләрдә яшәүче милләттәшләребез турында бик аз белә идек. Үзгәртеп кору еллары башлангач, районыбызга Америкадан татар делегациясе килү зур вакыйга булган иде. Аннан соң ишекләр киң ачылды, ерактагы якын кардәшләребез көтеп алган кунакка әверелде.

Экология икеайлыгында тирә–юнебезне яшелләндерү, урманнарны саклау мәсьәләләренә зур игътибар бирелә.

Батыр йөрәкле шагыйрь
Бөек татар шагыйре Габдулла Тукайны, чын мәгънәсендә, милләтнең көрәшчесе дип атап була.

“Арча” спорт комплексында Татарстан укучыларының IX Спартакиадасы кысаларында 1996–1999 елларда туган егетләр һәм кызлар арасында кул көрәштерү (армспорт) буенча ярышлар булды.

Район предприятиеләре һәм оешмаларының беренче квартал нәтиҗәләренә багышланган киңәшмәдә район башкарма комитеты җитәкчесенең беренче урынбасары Рафил Исмәгыйлев өч айда башкарылган эшкә анализ ясады, бурычларны билгеләде.

Чернобыль һәлакәтендә катнашучылар районның “Мәрхәмәтлек” үзәгенә очрашуга килде. Елга бер тапкыр җыелып, һәлак булганнарны искә алалар. 44 иде алар. Инде 17 генә калганнар. Шөкер, узган ел да шушы составта булганнар. Очрашуда арабыздан киткәннәрнең әниләре, хатыннары да бар иде.

25 апрельгә район хуҗалыкларында 25242 гектардагы күпьеллык үләннәрнең — 8536, 22601 гектардагы уҗымнарның 7232 гектары тукландырылды. Күпьеллык үләннәрнең — 7120, уҗымнарның 1144 гектары тырмаланды.

19 апрельдә Арча районының “Курса МТСы” базасында терлекчелек мәсьәләләре буенча зона семинар–киңәшмәсе булды.