ЯҢАЛЫКЛАР

11 июльдә Арча шәһәренең Нефтебаза буасында Бөек Җиңүнең 70 еллыгына багышлап балыкчылар ярышы үткәрелә.

2 июльдә муниципаль район җитәкчесе Илшат Нуриев һәм Арча районы мөхтәсибәте ифтар мәҗлесе үткәрделәр

23 июньдә районның гадәттән тыш хәлләр комиссиясе утырышында янгыннарны булдырмый калу турында җитди сөйләшү булды, ә икенче көнне үк Өчиледә янгын килеп чыкты. Берәүнең дачасы янды. Тагын берничә көннән, 29 июньдә, Шура авылында янгын булды. Шушы ук көнне, җилләп-давыллап, күк күкрәп яуган яңгыр вакытында Күпербашта ике йортка газ торбасы буйлап яшен килеп керде.

1 июльдә район социаль яклау бүлеге җитәкчесе Илдус Әһлиев гомерләренең түгәрәк даталарын бәйрәм итүче өлкән буын вәкилләре янында булып, аларга РФ Президенты Владимир Путинның һәм район башкарма комитеты җитәкчесе Илшат Нуриевның Котлау хатларын һәм истәлек бүләкләре тапшырды, өлкәннәребезнең яшәү шартлары белән танышты.

“Россия Федерациясе гражданнарының сайлау хокуклары һәм референдумда катнашу хокукының төп гарантияләре турында”гы Федераль законның 50 маддәсе, Татарстан Респуб- ликасы Сайлау кодексының 60нчы маддәсе нигезендә, “Арча хәбәрләре” (“Арский вестник”) газетасы редакциясе Татарстан Республикасы Президентын сайлаулар буенча регистрация үткән кандидатларга һәм “Арча муниципаль районы” муниципаль берәмлегенең вәкиллекле органнарына депутатлар сайлау буенча кандидатларга һәм партияләргә сайлау алды агитациясе өчен 2015 елның 15 августыннан 12 сентябренә кадәр (00:00) биреләчәк түләүсез һәм түләүле басма мәйдан турында хәбәр итә

1 июльдә Арча станциясендә Күпер урамындагы 63нче яңа йортны ачу тантанасы булды. Бу чарада муниципаль район җитәкчесе Илшат Нуриев катнашты.

Соңгы вакытта авылларда кош–кортка төлкеләр һөҗүме ешайды. Бу турыда авыл җирлекләре башлыклары белән үткәрелгән киңәшмәдә дә сүз булды.

Җинаять эше материалларыннан күренгәнчә, 2015 елның апрель ахырында Р. Зиннәтуллин Интернет челтәре аша наркотик матдәләр табу мөмкинлеген эзләп таба һәм Казанда берәүдән полиэтилен капта 0,59 грамм “спайс” сатып ала.

6 июльдә Арчаның үзәк стадионында Арча һәм Әтнә районнары почта бүлеге хезмәткәрләре һөнәри бәйрәмнәрен билгеләп үтте.
Бәйрәмне ачып җибәргән районара почта бүлеге җитәкчесе Гали Фәйзрахманов, хат ташучыларга изге теләкләрен җиткереп, алдынгы хезмәткәрләрне бүләкләде.

Өчилегә кергәндә балкып утырган мәктәп, аның янәшәсендәге яңа медпункт биналары ерактан ук игътибарны үзенә тарта. Авылның йөзен үзгәрткән, ямь керткән әлеге биналар республика Президенты Программалары белән бәйле.