ЯҢАЛЫКЛАР
Арча педагогика көллиятендә 26–28 гыйнварда Татарстан Республикасының булачак укытучылары өчен кышкы мәктәп эшләде. Аны Татарстан Республикасы Мәгариф һәм фән министрлыгы, Татарстан Республикасы мәгарифне үстерү институты оештырды.
Фәнил Гарәфиев арабыздан күптән китсә дә, күңелдән һич югалмый. Иң беренче чиратта кешелеклелеге белән аның исеме йөрәкләргә уелып калды. Үзе дә яхшы иде, кешеләргә карата да мәрхәмәтле булды. Дуслары, туганнары, иң якыннары арасында да ул олы хөрмәт казанды. Моны алар тарафыннан Фәнил башлаган игелекле эшләрнең дәвам ителүе белән аңлатып булыр иде. Аерма шунда гына, элек чараларны Фәнил үзе оештырса, хәзер аның истәлегенә дип үткәрелә.
Яңа Кенәр балалар иҗат йортында шахмат буенча республика күләмендәге ярышлар булды. Өстәмә белем бирү учреҗдениеләрендә шахмат белән шөгыльләнүче балалар ярышты.
Арча һәм Әтнә районнары буенча Пенсия фонды идарәсе җыелышында узган елгы эш нәтиҗәләре һәм 2018 елга бурычлар турында сөйләштеләр. Җыелышта Татарстан Республикасы буенча Пенсия фонды бүлекчәсенең гомуми бүлек җитәкчесе Владислав Харитонов катнашты.
Мәмсә авылында яшәүче Бибинур апа Хәкимҗановага 90 яшь тулды. Юбилярга район социаль яклау бүлеге җитәкчесе вазыйфаларын башкаручы Миләүшә Фәттахова Россия Президенты Владимир Путинның һәм район башлыгы Илшат Нуриевның Рәхмәт хатларын тапшырды. Ташкичү авыл җирлеге башлыгы Фәһим Фәйзуллин шулай ук бүләкләр белән килгән иде.
24 гыйнварда Арча станциясендә яшәүче Шамил Хуҗин 90 яшьлеген билгеләп үтте. Район башкарма комитеты җитәкчесе урынбасары Рамил Гарифҗанов юбилярны гомер бәйрәме белән котлады, Россия Президенты Владимир Путинның, район башлыгы Илшат Нуриевның Рәхмәт хатларын һәм бүләк тапшырды.
27 гыйнварда Казанбашта гомер итүче Исмәгыйлева Маэва Хаҗи кызы 90 яшьлек гомер бәйрәмен билгеләп үтте. Аны бәйрәме белән котлап район социаль яклау бүлеге җитәкчесе вазыйфаларын башкаручы Миләүшә Фәттахова, Үрнәк авыл җирлеге башлыгы Илгиз Камалетдинов килде, Миләүшә Фәттахова Россия Президенты Владимир Путинның һәм район башлыгы Илшат Нуриевның Рәхмәт хатларын тапшырды.
27 гыйнварда КПРФның Арча райкомында чираттагы җыелыш булды. Анда Бөек Октябрь Социалистик революциясенең 100 еллыгы турында сөйләшү һәм зур вакыйга – совет чорында намуслы хезмәтләре белән илебезнең алга китүе өчен көч куйган мөхтәрәм кешеләр медальләргә ия булды.
Арча районы көрәшчеләре республикада 7нче урында. Әле кайчан гына 18нче иде...
Үткән шимбә көнне “Арча” спорт комплексында район башлыгы призына зурлар арасында көрәш ярышы булды. Күрше-тирә район көрәшчеләре дә катнашты. Казанның Авиатөзелеш районыннан да кайттылар.
Вакыт хәзер үтә дә китә ул. Узган ел ноябрьдә район хуҗалыкларының бер төркем механизаторлары Үрнәктәге агросәнәгать көллиятенә белем өстәргә килгән иде.